MATHAYO 5:22 - Biblia Ilagho Jiboie Kwa Wandu Wose

²² Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

MATHAYO 5:22 Խաչաձեւ Հղումներ

KUZOYA 37:4

Ela iji waruna werewonieghe angu ndee wamkunda kuwichumba awo, wikachuria kuzamilwa ni Josefu, hata ndeweredimieghe kudedanya nao kwa sere anduangi.

KUZOYA 37:8

Niko waruna wimkazera, “Wele ni loli oho kuchakaia m'baa na kubonya nguma aighu yedu?” Nawo wikachuria kuzamilwa ni uo moni kwa wundu ghwa ndodo na madedo ghake.

2 SAMUELI 16:7

Shimei ukakaia ukimuewia Daudi ukighamba, “Ghenda noko! Ghenda noko! Oho mundu odia bagha; mundu wa kisha!

2 SAMUELI 6:20

Nao Daudi ukaghenda kuroghuana na wandu wa nyumbenyi kwake. Na Mikali mwai wa Sauli ukacha kummara ukaghamba, “Ni ishimaki mzuri wa Israeli wakuneka idime, hata ukakufunukuagha moni imbiri ya wai wa kazi wa wabaa wake, seji mundu wa kisha ukufunukuagha usene waya!”

1 WAZURI 21:4

Ahabu ukaghenda nyumbenyi kwake wafwa ngolo, sena wazamilwa kwa wundu ghwa agho malagho wazerwa ni Nabothi Mjezreeli, wei ndemnekagha mbuwa ya ifwa ja weke ndee. Ahabu ukalala wulinyi ukalangaya noko, hata nderejieghe vindo anduangi.

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

2 MALAGHO GHA NGELO 19:5

Ukawika watanyi isangenyi andenyi ya kula muzi ghwa Juda ghuko na ngome,

NEHEMIA 5:8

ngighamba, “Isi datimie seji didimagha kuwighua wanidu Wayahudi wikuuzire weni kwa iro mbari ra wandu. Ela inyo mwaawuyawibonya wanyinyu wikuuze weni konyu inyo waruna Wayahudi.” Wabaa wikanyama kima wikasowa jeghora.

ZABURI 109:3

Wanighora kiwiwi, na kuningiria duu.

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ZABURI 35:19

Kusewisighe awo winisuagha duu wiboilo aighu yapo; na awo wizamilwagha ni ini duu, kusewisighe wikinikunyiria meso.

ZABURI 37:8

Tana na machu, kusighe lubio; kusekaie na wasi, ghwadareda wuwiwi.

ZABURI 49:10

Kula mundu wawuyawona kukaia hata wandu wa hikima wafwagha; wakelu, na wandu wisena akili wadatota wokoni, na kuwisighia wandu wazima mali rawo.

ZABURI 69:4

Wandu wizamilwagha ni ini duu, ni wengi kuchumba mtalo ghwa iridia japo. Wamaiza wapo waawuyanidungia malagho gha tee; weko na ndighi nyingi nawo weekunda kunibwagha. Naawuyalipishwa icho niseiwie.

ZABURI 7:4

ikakaia nim'bonyere mghenyi wapo kiwiwi, angu kumsoka m'maiza wapo kuseko na hachi,

ZABURI 92:6

Mundu usena akili ndedimagha kurimanya; mkelu ndedimagha kuelelwa,

MAKATANISHO 14:16

Mundu wa hikima wadakulindia na kukutanya na wuwiwi, ela mkelu ndekuwadiagha hata ndetalagha.

MAKATANISHO 18:6

Madedo gha mkelu ghadareda nganyi; malagho ghake ghadamshekeria ukabo.

JEREMIA 17:11

Mundu upatagha mali kwa chia iseko ya hachi, oofwanana na ngwale ilaliagha maghi ghiseko ghake. Mali iro richatana nao ghadi na ghadi ya matuku, na kutua kwake uchakaia karakara na ikelu.

KILILO CHA JEREMIA 3:52

“Wamaiza wapo wereniwadieghe sa nyonyi; awo werezamilwagha ni ini duu.

DANIELI 3:13

Mzuri Nebukadnezari ukajokwa ni machu, ukafunya momu Shadraka, na Meshaki, na Abednego wiredo imbiri kwake. Nao wikawireda imbiri ya mzuri.

DANIELI 3:19

Niko Nebukadnezari ukajokwa ni machu loli loli, na wushu ghwake ghukaghaluka aighu ya Shadraka, na Meshaki, na Abednego. Ukafunya momu jija iwiwi ja modo jichurilo mando mfungade kuchumba seji modo ghwaro ghorekundikieghe.

OBADIA 1:10

“Kwa kukaia kwawisokie na kuwibwagha wanyinyu, awo wana wa Jakobo, kuchatoteshwa na kusowelwa ishima kwa kala na kala.

OBADIA 1:12

Ndekoredimagha kuboilwa ni kusokwa kwa wanyinyu werekoghe Juda. Ndekoredimagha kuboilwa ituku werenonwagha. Ndekoredimagha kuwiseka ngelo wiko andenyi ya wasi ghwawo.

MATHAYO 10:17

Mkulindie na wadamu, angu wichamghenja mandunyi nawo wichamkaba na viboko andenyi ya sunagogi rawo.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MATHAYO 12:24

Ela iji Mafarisayo wasikira agho wikaghamba, “Mundu uhu wadariwinga pepo tu kwa ndighi ra Beelizebuli m'baa wa pepo.”

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 18:21

Niko aho Petro ukamchea Jesu ukamkotia, “Bwana, mwanidu unibonyere kaung'a kalinga ngimfuya wughoma? Ni mando mfungade anguwada?”

MATHAYO 18:35

Ni huwo koni Aba uko mlungunyi ndechaamleka inyo, ngera mselekanagha mmbeni na mmbeni kwa ngolo renyu rose.”

MATHAYO 23:15

“Ni bugha konyu inyo walimu wa Sharia na Mafarisayo, waji-kuwi! Angu mwadamara-mara baharinyi na andu kuomie eri mpate mnughi umweri. Ela iji mwampata, mwam'bonya kukaia mundu oghenda jehanamu mando awi kuchumba inyo mmbeni.

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

MATHAYO 26:59

Nao wakohani wabaa na mwandu ghose wikalola wushahidi ghwa tee aighu ya Jesu, wipate kum'bwagha;

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MATHAYO 5:34

Ela ini namzera, msakeghema jingi; kwa mlungunyi, angu ni kifumbi cha nguma cha Mlungu;

MATHAYO 5:44

Ela ini namzera, muwikunde wamaiza wenyu, sena muwilombie awo wimtiriragha;

MARKO 14:55

Wakohani wabaa na Mwandu ghose wikalola ilagho jemshitakia Jesu wim'bwaghe, wikajisowa.

MARKO 15:1

Hata nakesho kio, wakohani wabaa, waghosi, walimu wa Sharia na wandu wa mwandu wose, wikabonya njama chia imweri, wikamfunya Jesu na kumghenja kwa Pilato.

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

LUKA 22:66

Nao iji ndoe yaela, wabaa, wakohani wabaa, walimu wa Sharia, wikakwanyika chia imweri, wikamreda Jesu Mwandunyi.

JOHANE 11:47

Niko Mafarisayo na wakohani wabaa wikakwanya Mwandu, nawo wikaghamba, “Dibonya wada? Mundu uhu waawuyabonya weke mwakilimbiti wengi.

JOHANE 15:25

Ela agha ghakaia, ghaja ghiandikilo Sharienyi kwawo ghipate kukatia, ‘Werezamiloghe ni ini duu.’

JOHANE 7:20

Awo wandu wikamtumbulia, “Oho koko na pepo! Nani ulolagha kukubwagha?”

JOHANE 8:48

Nao Wayahudi wikamzera, “Welee, dikaghamba angu oho ko Msamaria, sena koko na pepo si loli anguwada?”

MABONYO GHA WADUMI 17:18

Walimu wamu wa mafundisho gha Epikuro na Stoiki wikabonya nganyi nao. Wamu wikaghamba, “Uhu mkelu wawuyakunda kughora wada wele?” Wazima wikaghamba, “Uawoneka sa mchili wa milungu ya kighenyi.” Angu orekoghe ukichila malagho gha Jesu na kuruka.

MABONYO GHA WADUMI 22:30

Ela nakesho, m'baa wa majeshi ukikunda kumanya nicha ni malaghoki Paulo wawuyashitakilwa nagho ni Wayahudi, ukamfungua; ukafunya momu Mkohani M'baa chiaimweri na mwandu ghukwane, ukamreda Paulo na kummbika imbiri kwawo.

MABONYO GHA WADUMI 23:1

Nao Paulo ukighukuya meso mwandu ukaghamba, “Wanidu, nakaie moyo kwa nia ielie imbiri ya Mlungu hata linu.”

MABONYO GHA WADUMI 24:20

Angu awa wandu weni ndewighore wuwiwi winiwonie nagho ngelo nerekoghe kimusi imbiri ya mwandu;

MABONYO GHA WADUMI 4:15

Hata iji wawifunya shighadi ya mwandu, wikabonya njama weni na weni wikighamba,

MABONYO GHA WADUMI 5:21

Nao wadumi wikasikira, na iji ndoe yaela wikangia Hekalunyi wikafundisha. Nao Mkohani M'baa ukacha andwamweri na awo werekwanyeghe, ukawanga mwandu, na wabaa wose wa Israeli, ukaduma wadumi wiredo kufuma jela.

MABONYO GHA WADUMI 5:27

Nao iji wawireda, wikawiwika imbiri ya mwandu; na Mkohani M'baa ukawikotia ukighamba,

MABONYO GHA WADUMI 6:12

Kwa chia iyo wikademua wandu na waghosi, na walimu wa Sharia; nawo wikacha wikammbwada Stefano na kumreda mwandunyi;

MABONYO GHA WADUMI 6:15

Wandu wose werekoghe mwandunyi wikimkuya meso wikaghuwona wushu ghwake sa wushu ghwa malaika.

MABONYO GHA WADUMI 7:37

Uo Musa nuo moni orewizerieghe Waisraeli, ‘Mlungu uchammbusiria mlodi kufuma aghadi ya wanyinyu sa ini.’

WAROMA 12:10

Kundanenyi mmbeni na mmbeni kwa lukundo lwa ngolonyi; kula mundu ndemtale mmbao kukaia wa imbiri kwa ishima.

1 WAKORINTHO 6:10

vitoi, wandu wibonyagha iriso, wawongeri, wandu wisholiagha, hata viting'a, ndewichaapata ifwa ja wuzuri ghwa Mlungu anduangi.

1 WAKORINTHO 6:6

nao loli mundu udime wamwenja mruna kotinyi, sena icheni ya wandu wiserumirie?

WUKUMBUSO 15:11

Jingi ndemsowagha wamu Waisraeli isangenyi; kwa huwo namlaghira mkaie na ngolo ndicha eneka wandu wasowekelwa.

WUKUMBUSO 16:18

“Mmbike watanyi na wabaa andenyi ya mizi yenyu yose mnekwagha ni BWANA Mlungu onyu, kunughana na vichuku venyu, wipate kutanya wandu kwa hachi.

1 WATHESALONIKE 4:6

mndungi usakemkita hata kumkosera mruna aighu ya maza iri, kwa kukaia Bwana wadalipia kisasi aighu ya maza iri rose; sa iji koni deremghorieghe imbiri na kumkania.

TITO 3:2

Wisakemghora mndungi kiwiwi, wisekaie werashana, wikaie wa mboa, na kuwonyera wucha ghose kwa wandu wose.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

JAKOBO 2:20

Welee, kwakunde kuwonyero oho mundu wa maghesho mavui seji irumirio jisene mabonyo jisevagha?

JAKOBO 3:6

Na lumi ni modo. Ni wurumwengu ghwa mawiwi ghuko aghadi ya via vedu; lwadaghulusha mumbi ghose, na kushekeria kuumbwa kose kuake modo kwa ndighi ya modo ghwa jehanamu.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

1 PETRO 3:9

Msakelipiana kiwiwi kwa kiwiwi, angu masholio kwa masholio; ela wulalo ghwa agho, mrasimie; angu morewangiloghe mpate irasimio.

1 JOHANE 2:9

Umundu ughambagha oko mwengerenyi, nao uazamilwa ni mruna, waduagha kirenyi.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.

1 JOHANE 5:16

Mndungi ukammbona mruna ukibonya kaung'a iseko ya kifwa, uchalomba, na Mlungu uchamneka irangi uo ubonyere kaung'a iseko ya kifwa. Eko kaung'a ya kifwa; nani sighambagha wei mundu ulombe kwa iyo.

JUDA 1:9

Ela uo malaika m'baa Mikaeli, iji orekoghe ukisimana na Ibilisi, kwa kubonya nganyi aighu ya mumbi ghwa Musa, nderedimieghe kumtanya kwa madedo ghangi gha kudukana anduangi; ela ukaghamba, “Bwana ndekukemie.”

WUFUNUO 20:14

Niko kifwa na Andu kwa Wafu wikakumbwa andenyi ya ndiwa ya modo. Icho nicho kifwa cha kawi, iyo ndiwa ya modo;