MATHAYO 3:11 - Biblia Ilagho Jiboie Kwa Wandu Wose

¹¹ Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

MATHAYO 3:11 Խաչաձեւ Հղումներ

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MATHAYO 3:6

wikihea kaung'a rawo, nao ukawibaputiza modenyi ghwa Jordani.

MARKO 1:4

Johane M'baputizi orechieghe kireti, ukichilia wandu wihee na kubaputizwa, wipate kulekwa kaung'a rawo.

LUKA 1:17

Uchaghenda imbiri kwake kwa roho nandighi ra Elija upate kurighalusa ngolo ra weke ndee, riwighalukie wana wawo. Na awo wisesikiragha wiinughe hikima ya wahachi, na kuwika wandu tayari kwa wundu ghwa Bwana.”

LUKA 3:16

Johane ukawitumbulia wose ukawizera, “Ini nam'baputiza kwa machi, ela umu oko uchagha uko nandighi kunichumba ini, nisefwane hata kufungua kamba ra vadu vake; uo ucham'baputiza kwa Roho Mweli na modo.

LUKA 3:3

nao ukaghenda isanga jose ja Jordani, ukichilia wandu wihee na kubaputizwa, Mlungu upate kuwileka kaung'a rawo.

JOHANE 1:15

Johane ukamghora ukighamba, “Uhu nuo moni neremghoragha ngighamba, ‘Kuchagha mndumu nyuma yapo uko m'baa kunichumba ini, angu orekoghe imbiri nisevalo.’”

JOHANE 1:30

Uhu nuo moni neremghoriagha, ‘Mndumu ucha nyuma yapo uko m'baa kunichumba ini, angu orekoghe imbiri nisevalo.’

MABONYO GHA WADUMI 1:5

Johane orebaputizireghe kwa machi, ela inyo mchabaputizwa kwa Roho Mweli kafwani.”

MABONYO GHA WADUMI 19:4

Paulo ukaghamba, “Johane orebaputizireghe kwa wubaputizo ghohea kaung'a, ukiwizera wandu wimrumirie uo orekoghe ukicha nyuma yake nao ni Jesu.”

MABONYO GHA WADUMI 8:36

Nawo iji werekoghe wikighenda chienyi, wikabusa andu kuko na machi, na kolowi ukamzera, “Machi hagha, niki chinighiriagha kubaputizwa?” [

MABONYO GHA WADUMI 8:38

Kolowi ukafunya momu igare jidunge maghu, nawo wikasea na kungia machinyi wose wawi, Filipo na kolowi; nao ukam'baputiza.

1 WAKORINTHO 12:13

Kwa kukaia, isi diwose derebaputiziroghe dikaie wa mumbi ghumweri kwa uo Roho umweri; ikaiagha ni Wayahudi, angu Wagriki; ngera ni wazumba, angu wakitina; isi diwose derenyosheroghe uo Roho umweri.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

TITO 3:5

oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”