MATHAYO 26:63 - Biblia Ilagho Jiboie Kwa Wandu Wose

⁶³ Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 26:63 Խաչաձեւ Հղումներ

1 WAZURI 22:16

Ela mzuri ukamzera, “Nikughoria kalinga kukaia kukakanighoria malagho kwa irina ja BWANA kunighorie loli?”

2 MALAGHO GHA NGELO 18:15

Ela mzuri ukamzera, “Nikughemesha kalinga eri kunighorie loli cheni kwa irina ja BWANA?”

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

MAKATANISHO 29:24

Mngara wa kitoi ookungira wasinyi moni; uchakabwa ukaghora loli kotinyi.

ISAYA 53:7

“Orekorongeloghe na kutirirwa, ela ndereghorieghe ilagho jingi; Orenyameghe kima kara kara na mwana wa ng'ondi ughenjwagha kichinjonyi, ee, seji ng'ondi ikaiagha kima imbiri ya uo mundu uidumbuagha mafuri; nderetumbulieghe ilagho jingi anduangi.

DANIELI 3:16

Nao Shadraka na Meshaki na Abednego wikamtumbulia mzuri, “Ee Nebukadnezari, ndedina haja ekutumbulia aighu ya ilagho iji.

WALAWI 5:1

“Mndungi ukawangwa kufunya wushahidi ghwa maza urisikire angu kuriwona, nao ulemo ni kughora; uchatalwa kukaia mkosi.

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 26:62

Niko aho Mkohani M'baa ukawuka kimusi ukamzera Jesu, “Ndekutumbuliagha ilagho jingi ado? Ni malaghoki agha wandu awa wighishuhudiagha aighu yako?”

MATHAYO 27:12

Ela iji orekoghe ukishitakilwa ni wakohani wabaa na waghosi, uo nderetumbulieghe ilagho jingi anduangi.

MATHAYO 27:14

Ela Jesu nderetumbulieghe ilagho jingi anduangi, hata uo m'baa wa isanga ukashinika.

MATHAYO 27:40

wikighamba, “Haya, oho kuinonagha Hekalu na kuiagha kwa matuku adadu, kukukire kumoni! Ngera loli ko Mwana wa Mlungu, oke sea msalabenyi.”

MATHAYO 27:43

Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 4:3

Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

MARKO 14:61

Ela uo ukanyama kima, hata nderetumbulieghe ilagho jingi anduangi. Mkohani M'baa ukamkotia kawi, “Welee, oho nuo Kristo, Mwana wake uja Mrasimilwa, anguwada?”

JOHANE 1:34

Nani nawonie, niko nashuhudia angu uhu ni Mwana wa Mlungu.”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 10:24

Nao Wayahudi wikammaria chia rose wikamzera, “Kudikambira chongo hata lii? Ngera koko Kristo kudighorie worinyi.”

JOHANE 10:30

Ini na Aba ni umweri.”

JOHANE 10:36

welee, uja oreelesheroghe ni Aba, na kudumwa wurumwengunyi, inyo mwamzera, ‘Kwaawuyasholia,’ angu nighorie ‘Ini ne Mwana wa Mlungu?’

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”

JOHANE 19:9

Ukangia sena andenyi ya praetoriumu ukamkotia Jesu, “Welee, kwafuma hao?” Ela Jesu nderetumbulieghe ilagho jingi anduangi.

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 6:69

Isi darumirie, sena dacheemanya angu oho nuo uja Mweli wa Mlungu.”

JOHANE 8:25

Nao wikamzera, “Kwani oho nani?” Jesu ukawitumbulia, “Ni ijo jeni nameria kumghoria kiimbiri.

2 WAKORINTHO 1:19

Angu Mwana wa Mlungu Jesu Kristo, uo deremchilieghe konyu, ini, na Silvano, na Timotheo, si wa “Hee” na “Hata” anduangi; ela andenyi kwake ni “Hee” matuku ghose.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

1 SAMUELI 14:24

Waisraeli wikasirimika kwa wundu ghwa njala ituku jija, kwa kukaia Sauli orewighemeshereghe wandu ukighamba, “Mndungi ukaja vindo nisemerie kulipa kisasi aighu ya wamaiza wapo hata luma lwa kenyi, uwado ni njowe.” Kwa huwo mndungi ndechetoa vindo ijo ituku.

1 SAMUELI 14:26

Wandu wose wiendangia andenyi kilembenyi wuki ghukakaia ghukitonya andonyi, ela ndekorekoghe na mndungi oredimieghe kughushoa na kughutoa; angu wandu wose wereobueghe ijo ighemi.

1 SAMUELI 14:28

Nao mndumu ukamzera, “Nechi ndeyo waghemesha wandu wei Mndungi ukaja vindo idime, uwado ni njowe; na huwu wandu wasilwa nandighi.”