MATHAYO 26:33 - Biblia Ilagho Jiboie Kwa Wandu Wose

³³ Petro ukamzera Jesu, “Hata ngera wose wichakusigha, ela ini sichaakusigha anduangi.”

MATHAYO 26:33 Խաչաձեւ Հղումներ

ZABURI 17:5

Nadakunugha toe kwa wuloli, hata sighalukie nambai anduangi.

MAKATANISHO 20:6

Wandu wengi wadakunda kukuwonyera seji wiko waloli; ela nani udimagha kumpata mundu uko mloli?

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

MATHAYO 26:32

Ela nyuma ya kuruka kwapo nichamkiria cha Galilaya.”

MATHAYO 26:34

Jesu ukamzera “Nakughoria loli, kio ichi cheni, imbiri njogholo isededie, kuchanikana kadadu.”

MARKO 14:29

Ela Petro ukamzera, “Hata ngera wose wichakimbia, ini sichaakimbia anduangi.”

LUKA 22:33

Petro ukatumbulia, “Bwana, neko tayari kughendanya na oho kifungonyi na hata kifonyi wori.”

JOHANE 21:15

Nao iji wameria kuja, Jesu ukamzera Simoni Petro, “Wele Simoni, mwana wa Johane, kwanikunde kuchumba awa?” Ukatumbulia, “Ee Bwana, oho kwaichi angu nakukunde.” Jesu ukamzera, “Kuzighaneghee wana wa ng'ondi wapo.”

WAROMA 12:10

Kundanenyi mmbeni na mmbeni kwa lukundo lwa ngolonyi; kula mundu ndemtale mmbao kukaia wa imbiri kwa ishima.

WAFILIPI 2:3

Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.