MARKO 9:32 - Biblia Ilagho Jiboie Kwa Wandu Wose

³² Wanughi wake ndeweretambukiloghe ni agho malagho anduangi, sena wikaobua kumkotia.

MARKO 9:32 Խաչաձեւ Հղումներ

MARKO 16:14

Kutua, Jesu ukawifutukia waja ikumi na umweri wiko kidombo vindonyi, ukawirasha kwa kulegha kurumiria kwawo na kwa kukua kwa ngolo rawo, angu wiserewirumirieghe waja weremmbonieghe nyuma ya kuruka kwake anduangi.

MARKO 7:18

Nao ukawizera, “Welee, hata na inyo wori ndemtambukilwagha? Ndemtambuagha angu icho chose chiko shighadi, chikangia andenyi kwa mundu, ndechidimagha kumlusha anduangi,

MARKO 8:33

Jesu ukaghaluka, ukawizighana wanughi wake ukamkemia Petro ukighamba, “Injika noko, Shetani! Angu oho ndekuririkanyagha maza ra Mlungu anduangi, ela ra wandu.”

MARKO 9:10

Wikajiwika ilagho jija ngolonyi kwawo, wikikotiana weni na weni kuja kutambua kwaro uko kuruka kufuma kwa wafu.

LUKA 18:34

Ela wanughi ndeweredimieghe kumanya agho Jesu orekoghe ukighora anduangi.

LUKA 2:50

Nawo ndeweretambukiloghe ni agho madedo orewizeragha anduangi.

LUKA 24:45

Nao ukawifungua akili rawo wipate kutambukilwa ni Maandiko.

LUKA 9:45

Ela wanughi wake ndeweretambukiloghe ni madedo agho anduangi, ghikawivisikia wisedime kughimanya, nawo wikaobua kumkotia agho malagho.

JOHANE 12:16

Ngelo iyo wanughi wake ndeweretambukiloghe ni agho, ela iji Jesu wameria kujoswa kwa wubaa, niko wikakumbuka angu maza iri rereandikiloghe aighu yake, na angu werebonyereghe agho kwa wundu ghwake.

JOHANE 16:19

Jesu oremanyireghe angu wakunda kumkotia, niko ukawizera, “Welee, mwaawuyakotiana kutambua kwaro agho naghora, ‘Kwa ngelo ndini ndemchaaniwona, sena kuida ngelo ndini mchaniwona?’

JOHANE 4:27

Niko aho wanughi wake wikacha, nawo wikashinika iji wammbona ukidedanya na muka. Ela ndekuwadie ungi wawo oredimieghe kumkotia, “Kwakundaki?” angu “Kwaki kudedanyagha na muka?”