MARKO 9:12 - Biblia Ilagho Jiboie Kwa Wandu Wose

¹² Nao ukawitumbulia, “Ni loli Elija ucha kandena kuwika maza rose nicha; na kwaki sena Maandiko ghaghamba wei Mwana wa Mdamu uchatirirwa maza nyingi na kumenywa?

MARKO 9:12 Խաչաձեւ Հղումներ

ZABURI 74:22

Wuka ee Mlungu, kukudederie, kumbuka seji wandu wisekutalagha wawuyakuseka dime dii.

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 50:6

Nerefunyireghe mghongo ghwapo kwa awo wibulagha, na madumbu ghapo kwa awo wererikueghe sombe rapo hata serefueghe waya na kughuvisa wushu ghwapo kwa awo werenichueghe mada.

ISAYA 52:14

Wandu wengi weremshinikieghe, kwa kuwona fwana yake seji inonelo nandighi kuchumba mdamu uo ose.

ZEKARIA 11:13

Niko BWANA ukanizera, “Vikumbe ivo vibelele va feza Hekalunyi andu kowika mali.” Niko ngawusa ivo vibelele va feza mirongo idadu, ijo ifungu weregheshereghe wei ni ifungu ibaa wanilipa, ngavikumba Hekalunyi andu kowika mali.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MALAKI 4:6

Uchawipatanisha weke aba na wana, eri nisecheikaba ndoe na kuitotesha.”

MATHAYO 16:21

Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

MATHAYO 26:24

Mwana wa Mdamu uaghenda sa iji koni Maandiko ghiandikilo aighu yake, ela ni bugha kwake uja mundu umfunyagha Mwana wa Mdamu; erekaiagha nicha ngera uo mundu nderevaloghe jingi.”

MARKO 10:33

Ukaghamba, “Olenyi diajoka Jerusalemu, na Mwana wa Mdamu uchafunywa kwa wakohani wabaa, na walimu wa Sharia, nawo wichamtanya ubwagho, na kumfunya kwa wandu wa mbari zima.

MARKO 9:13

Ela namghoria, angu Elija wamerie kucha, nawo wikammbonyera ghose sa iji werekundieghe, sa iji koni ereandikiloghe aighu yake.”

MARKO 9:31

angu orekoghe ukiwifundisha wanughi wake ukiwizera, “Mwana wa mdamu uchafunywa mikonunyi kwa wandu, nawo wicham'bwagha. Ela nyuma ya matuku adadu, ucharuka sena.”

LUKA 1:76

Na oho, mwanwapo, kuchawangwa mlodi wa Uo-Uko-Aighu-Nandighi, angu kuchamkiria Bwana kum'boisira chia yake;

LUKA 23:11

Niko Herode andwamweri na masikari ghake wikamseka Jesu na kumsholia, wikamrusha nguwo iboie, wikammbunja kwa Pilato.

LUKA 23:39

Nao umu wa waja wawiwi weresulubishiroghe msalabenyi ukamsholia ukighamba, “Welee, oho suo moni Kristo? Kukukire kumoni chiaimweri nesi.”

MABONYO GHA WADUMI 1:6

Nao iji werekwanyeghe andwamweri, wanughi wikamkotia Jesu, “Wele Bwana, da niko kuwiwunjiragha Israeli wuzuri ghwawo anguwada?”

MABONYO GHA WADUMI 4:11

Uhu Jesu nuo ughorelo ni Maandiko Ghielie huwu: ‘Igho jerelegheloghe ni inyo waaghi, nijo jawuya ibaa ja mbembenyi.’