MARKO 8:31 - Biblia Ilagho Jiboie Kwa Wandu Wose

³¹ Jesu ukazoya kuwifundisha wanughi wake: “Mwana wa Mdamu suti utiriro maza nyingi, na kuleghwa ni waghosi na wakohani wabaa, na walimu wa Sharia, sena ubwagho, na nyuma ya matuku adadu ucharuka.”

MARKO 8:31 Խաչաձեւ Հղումներ

ZABURI 118:22

Igho jerelegheloghe ni waaghi, jawurie ibaa ja mbembenyi.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.

JONA 1:17

BWANA ukawika samaki mbaa immile Jona; na Jona ukakaia andenyi ya kifu cha samaki matuku adadu kio na dime.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

MATHAYO 21:42

Aho Jesu ukawizera, “Welee, jingi ndemshomie sa iji iandikilo: ‘Igho jerelegheloghe ni waaghi, nijo jeni jiwurie ibaa ja mbembenyi. Na iji ni ibonyo ja Bwana moni, najo jakaia ja mashiniko mesonyi kodu.’

MATHAYO 27:63

wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’

MARKO 12:10

Welee, jingi ndemshomie iandiko iji? ‘Igho jija werejileghieghe waaghi, nijo jeni jawuya ibaa ja mbembenyi.

LUKA 17:25

Ela imbiri suti utiriro maza nyingi, na kuleghwa ni kivalwa ichi.

LUKA 24:26

Welee, ndeeremfwanieghe Kristo kutirirwa maza iri na kungia kwa wubaa ghwake?”

LUKA 24:44

Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

JOHANE 12:48

Uo unileghagha ini, nao ndewadagha malagho ghapo, oko na umu umtanyagha. Ilagho jija nijighorie, nijo jichaakaia mtanyi wake ituku ja kutua mbai.

JOHANE 2:19

Jesu ukawizera, “Inonenyi Hekalu ihi, nani nichaiagha kwa matuku adadu.”

MABONYO GHA WADUMI 7:35

“Musa uhu weremleghieghe wikighamba, ‘Nani ukuwikie kukaie m'baa na mtanyi aighu yedu?’ Nuo moni oredumiloghe ni Mlungu ukaie m'baa na mkiri, kwa kuteselwa ni malaika uo oremfutukieghe kisachinyi.

1 WAKORINTHO 15:4

nao orerikiloghe, sena orerukishiroghe ituku ja kadadu karakara na Maandiko;

1 SAMUELI 10:19

Ela idime iji mwanilegha ini Mlungu onyu uo umkiragha kufuma kwa ndengwa na wasi ghonyu m'baa; nenyo mwanilomba nimneke mzuri om'bonyera nguma. Ni nicha. Idana kwanyikenyi mmbeni imbiri kwapo kunughana na vichuku venyu na nyumba renyu.’”

1 SAMUELI 8:7

BWANA ukamtumbulia Samueli, “Wisikire awa wandu, kubonye sa iji koni wakuzera; kwa kukaia ndewikuleghie oho, ela waanilegha ini nisekaie mzuri wawo.