MARKO 8:17 - Biblia Ilagho Jiboie Kwa Wandu Wose

¹⁷ Jesu ukimanya agho ukawizera, “Welee, kwaki mwaririkanya gha kusowa mikate? Hata na iji ndemmbonagha, hata ndemtambukilwagha? Ngolo renyu raduagha rikurie?

MARKO 8:17 Խաչաձեւ Հղումներ

ISAYA 63:17

Ee BWANA, kwaki kudisighaa dilaghalo ni chia rako? Kwaki kwarikurisha ngolo redu hata disedime kukuobua? Wuya kwa wundu ghwa wadumiki wako, ee, awo wandu wiko ifwa jako.

MATHAYO 12:15

Jesu ukimanya ilagho ijo, ukafuma aja. Wandu wengi wikamnugha, ukawiboisa makongo ghawo ghose;

MATHAYO 15:17

Ndemtambuagha angu icho chose chingiagha momunyi chadangia kifunyi na konyuma chafuma noko?

MATHAYO 16:7

Wikazoya kuzerana, “Ni iji disedwae mikate niko wawuyadizera huwo.”

MARKO 16:14

Kutua, Jesu ukawifutukia waja ikumi na umweri wiko kidombo vindonyi, ukawirasha kwa kulegha kurumiria kwawo na kwa kukua kwa ngolo rawo, angu wiserewirumirieghe waja weremmbonieghe nyuma ya kuruka kwake anduangi.

MARKO 2:8

Shwa wori Jesu ukamanya maghesho ghawo sa iji wawuyaririkanya, ukawizera, “Kwaki mwaririkanya huwo ngolonyi konyu?

MARKO 3:5

Ukawizighana wose kwa machu, ukawawa ni ngolo kwa wundu ghwa awo kukaia na ngolo rikurie; ukamzera uo mundu, “Ghorua mkonu ghwako.” Nao ukaghughorua, na mkonu ghwake ghukaboa.

MARKO 6:52

kwa kukaia ndeweretambukiloghe ni rija maza ra mikate, kwa wundu ghwa ngolo rawo kukaia rikurie.

MARKO 8:16

Nao wikatumbuliana weni na weni wikighamba, “Ni iji disewadie mikate.”

LUKA 24:25

Nao Jesu ukawizera, “Kwaki mkelie huwu, muko na ngolo rilemere rerumiria malagho ghose ghighorelo ni walodi?

JOHANE 16:30

Idana damanya kwaichi vilambo vose, hata ndekukunde mndungi ukukotie ilagho jingi anduangi; kwa huwu darumiria angu korefumieghe kwa Mlungu.”

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.