MARKO 7:21 - Biblia Ilagho Jiboie Kwa Wandu Wose

²¹ Angu kufuma kondenyi kwa ngolo ra wandu, ghadafuma maririkanyo ghizamie, kulaka,

MARKO 7:21 Խաչաձեւ Հղումներ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

AYUBU 14:4

Nani udimagha kufunya kilambo chielie kufuma kwa icho chiseelie? Ndeuko ungi.

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

ZABURI 119:36

Kunineke bea ewadia sharia rako, kuchumba kupata mali.

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

ZABURI 14:3

Wandu wose weelaghaya, wose weenoneka; ndekuwadie ungi ubonyagha nicha, ndeuko hata umweri.

ZABURI 53:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie; hata ndekuwadie ungi ubonyagha nicha anduangi.

ZABURI 53:3

Wose weeghaluka wikaawuya nyuma; wose weenoneka kara kara; ndekuwadie ungi ubonyagha nicha, ndeuko hata umweri.

MAKATANISHO 15:25

BWANA wadavuchua nyumba ya mundu ukukasire, ela uchaghulindia muzi ghwa muka mkiwa.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

EZEKIELI 38:10

Bwana MLUNGU wakuzera huwu oho Gogu, “Ngelo iyo ikavika, kuchachelwa ni maghesho ghebonya mipango ya wuwiwi.

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

MATHAYO 9:4

Nao Jesu ukimanya maririkanyo ghawo ukaghamba, “Kwaki mgheshagha mawiwi ngolonyi konyu?

MARKO 7:20

Nao ukaghamba, “Icho chimfumagha mundu, nicho cheni chimlushagha.

MARKO 7:22

wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu.

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

MABONYO GHA WADUMI 5:4

Welee, iji kusereiuzireghe, ndeerekoghe yako cheni anguwada? Huwo koni, nyuma ya kuiuza, pesa nderedeeka rako reni? Yakaia wada oho kubonya njama ihi ngolonyi kwako? Ndekumkalie mdamu anduangi, ela kwaamkalia Mlungu.”

MABONYO GHA WADUMI 8:22

Kwa huwu hea ichi kiwiwi chako, kulombe Bwana ngera idimika ukufue wughoma agho maghesho gha ngolo yako.

WAROMA 7:5

Iji derekoghe dikinugha maza ra mumbi, bea redu ra kaung'a rerewusiriloghe ni Sharia, naro rikabonya kazi andenyi ya via vedu, hata rikareda mavalo gha kifwa.

WAROMA 7:8

Ela kwa chia ya momu ugho, kaung'a yapatire wulalo ghongira bea ya kula mbari andenyi kwapo. Kwa kukaia andu Sharia iseko, kaung'a eeka ifue.

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

JAKOBO 2:4

Welee, huwo ndamwabonya wuchumbano aghadi konyu na kukaia watanyi wiwadie maghesho mawiwi anguwada?