MARKO 6:41 - Biblia Ilagho Jiboie Kwa Wandu Wose

⁴¹ Nao Jesu ukaiwusa ija mikate misanu na iro samaki iwi, ukazighana aighu mlungunyi, ukairasimia, ukaichukanya mikate, ukawineka wanughi wake wiiwaghie wandu; na iro samaki iwi ukawiwaghia wose.

MARKO 6:41 Խաչաձեւ Հղումներ

MATHAYO 14:19

Ukafunya momu wandu wisee kidombo anyasinyi; ukaiwusa ija mikate na samaki iwi; ukazighana aighu mlungunyi ukairasimia na kuichukanya, ukawineka wanughi wake, nawo wikaineka ijo izungu.

MATHAYO 15:36

Ukaiwada ija mikate mfungade na duja dusamaki, ukamfunyira Mlungu chawucha, ukaichikanya ukaineka wanughi, nao wikawiwaghia wandu.

MATHAYO 26:26

Nao iji werekoghe wikija vindo, Jesu ukawusa mkate, ukafunya chawucha ukaghuchikanya ukawineka wanughi wake ukighamba, “Koonyi muje, ughu nigho mumbi ghwapo.”

MARKO 14:22

Iji werekoghe wikija, Jesu ukawusa mkate, ukaghurasimia, ukaghuchikanya, ukawineka wanughi wake ukighamba, “Wusenyi: ughu nigho mumbi ghwapo.”

MARKO 6:40

Nao wikasea kidombo mazungu mazungu, aha ighana na aja mirongo misanu.

MARKO 6:42

Wose wikaja wikaghuda.

MARKO 7:34

Ukazighana aighu mlungunyi na kusoria ngolo, ukamzera, “Efatha,” kutambua kwaro, “Tambuka.”

MARKO 8:19

Iji nereichikanyireghe ija mikate misanu kwa wandu elfu isanu, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Ikumi na viwi.”

LUKA 24:30

Hata iji wasea kidombo uje vindo andwamweri nawo, ukawada mkate, ukaghurasimia, ukaghuchikanya ukawineka.

LUKA 9:16

Nao ukaiwusa ija mikate misanu na iro samaki iwi, ukazighana aighu mlungunyi, ukairasimia na kuichikanya-chikanya; ukawineka wanughi wake wiiwaghie wandu.

JOHANE 11:41

Nao wikajiinja igho. Jesu ukazighana noko ighu ukaghamba, “Nakuneka chawucha Aba, angu kwanisikira,

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

JOHANE 6:11

Jesu ukaiwusa iyo mikate, hata umeria kufunya chawucha kwa Mlungu, ukawiwaghia wandu werekoghe kidombo; na samaki woruwo koni, kula mundu ukapata sa iji orekundieghe.

JOHANE 6:23

Elaima, mashua zima rifumie Tiberia, rerechieghe andu aho wandu werejieghe mikate iji Bwana oremfunyireghe Mlungu chawucha.

MABONYO GHA WADUMI 27:35

Uendaghora huwo, ukawada mkate, nao umeria kumfunyira Mlungu chawucha imbiri ya wose, ukaghuchikanya, ukazoya kuja.

WAROMA 14:6

Uo ujitalagha ituku wajitala kwa kumneka Bwana ishima. Uo ujagha wori, waja kwa kumneka Bwana ishima, kwa kukaia wamfunyira Mlungu chawucha; na uhu usejagha, wasigha kuja kwa kumneka Bwana ishima; nao wamfunyira Mlungu chawucha.

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

WUKUMBUSO 8:10

Mchaja na kughuda; nenyo mchamkasa BWANA Mlungu onyu kwa wundu ghwa isanga icha umnekie.

WAKOLOSAI 3:17

Nenyo mkakabonya ilagho ijo jose, kwa madedo angu kwa mabonyo, bonyenyi kula ilagho kwa irina ja Bwana Jesu, mkimfunyira Mlungu Aba chawucha kwa uo.

1 SAMUELI 9:13

Mkameria kungia mzinyi mchammbona imbiri usejokie mghondinyi kwendaja vindo; angu wandu ndewijagha usechee, kwa kukaia ni suti urasimie icho kizongona, ima awo wandu wikaribishiro wije. Idana jokenyi shwa-shwa, nenyo mchammbona.”