MARKO 6:11 - Biblia Ilagho Jiboie Kwa Wandu Wose

¹¹ Ela kasikira andu kungi wandu walegha kumkaribisha angu kumsikira, mkakafuma aho-lee, muanguo teri iko maghunyi konyu na kosi, ghupate kukaia wushuhuda kwawo.”

MARKO 6:11 Խաչաձեւ Հղումներ

NEHEMIA 5:13

Nanimoni wori ngaghughudua mkowa ghwapo ngaghamba, “Huwo niko Mlungu uchaamghughudua kula umu onyu usemaziraa ilaghiro jake. Mlungu uchawusa nyumba renyu na vilambo vose muko navo umsighe duu.” Na ikwanyiko jose jikadika, “Amen;” wikamkasa Mlungu. Vilongozi wikabonya seji werelaghirieghe.

MATHAYO 12:36

Namghoria, Ituku ja Kutanywa, wandu wichafunya mtalo ghwa kula ilagho ja duu werejidedieghe.

MARKO 6:10

Nao ukawizera sena, “Kasikira mwangia nyumba ingi, kaienyi ahoeni hata mwafuma aho.

LUKA 9:5

Wandu wangi wikalegha kumkaribisha, mkakafuma ugho muzi, mghughuduo teri kufuma maghunyi konyu, ikaie wushuhuda kwawo.”

MABONYO GHA WADUMI 18:6

Nawo iji walegha na kumsholia, Paulo ukaghughudua nguwo rake na kughamba, “Mkatota, ni aighu yenyu. Ini siwadie ikosa, kufuma idana nichaghenda kwa mbari zima.”

WAROMA 2:16

Huwo niko ichaakaia iji Mlungu uchaatanya maghesho gha wandu ghivisiro jija ituku, kwa chia ya Kristo Jesu; karakara na Ilagho Jiboie ijo nawuyajichila.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

2 PETRO 2:6

Mlungu oreitanyireghe mizi ya Sodoma na Gomora, ukaikora na kuiwunja maivu, na kuibonya ikaie mfwano kwa awo wisemuobuagha Mlungu.

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.

1 JOHANE 4:17

Kwa ilagho iji, ulo lukundo lwa Mlungu lwakatishwa andenyi kodu, eri dipate kukaia na wuwana ijo Ituku ja Kutanywa; angu sa iji koni Kristo uko, niko koni na isi dikaiagha wurumwengunyi.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.