MARKO 5:40 - Biblia Ilagho Jiboie Kwa Wandu Wose

⁴⁰ Nawo wikamseka loli-loli. Ela uo ukawifunya wose shighadi, ukamdwa ndee na mae mwana, andwamweri na waja wanughi orechanyeghe nawo, ukangia andu mwana orekoghe wararishwa.

MARKO 5:40 Խաչաձեւ Հղումներ

KUZOYA 19:14

Niko Loti ukafuma na kuwighendia waghosi wake awa werewilowugha wai wake ukawizera, “Wukenyi mfume aha angu BWANA oko kaavui kughutotesha muzi ughu.” Ela madedo ghake ghikawoneka kukaia gha wukelu kwa waghosi wake.

2 WAZURI 4:33

Ukangia na kukurughia mnyango chiaimweri na uja mwana; ukamlomba BWANA.

NEHEMIA 2:19

Ela iji Sanbalati Mhoroni, na Tobia m'baa wa isanga ja Amoni, na Muarabu uwangwaghwa Geshemu wiendasikira huwo, wikadiseka na kudimenya wikighamba, “Niki ichi mwawuyabonya? Mwawuyamlegha mzuri?”

AYUBU 12:4

Hata waghenyi wapo waawuyaniseka; ini mundu neremmbangagha Mlungu nao unidike, mundu wa hachi usewadie ikosa jingi, wandu waawuyaniseka.

ZABURI 22:7

Wandu wose winiwonagha, wianizoma; wanikuchira memu na kusughusa vongo vawo wikighamba,

MATHAYO 15:11

icho chimngiagha mundu momunyi kwake, sicho chingi chimlushagha anduangi; ela icho chimfumagha momunyi kwake, nicho cheni chimlushagha mundu.”

MATHAYO 7:6

“Mserineke koshi vilambo va wueli, risechemghalukia na kumrashua inyo; hata lulu renyu msakerikumbia nguwe, risecheriwadia na maghu ghawo.

MARKO 5:39

Ukangia andenyi ukawizera, “Welee, kwaki m'bonyagha nganyi na kulila? Mwana ndefue anduangi, ela waalala.”

MARKO 5:41

Nao ukammbwada mkonu, ukamzera, “Talitha Kum” kutambua kwaro, “Mnjighe, nakuzera wuka.”

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

MABONYO GHA WADUMI 17:32

Nao iji wasikira malagho gha kuruka kwa wafu, wamu wikaseka, ela wamu wikaghamba, “Dichakusikiria sena aighu ya maza iri.”