MARKO 4:24 - Biblia Ilagho Jiboie Kwa Wandu Wose

²⁴ Nao ukawizera, “Sikirienyi nicha agha: chija kipimo mpimiagha nacho wambenyu, nicho cheni mchaapimilwa ni Mlungu, sena mchachurilwa.

MARKO 4:24 Խաչաձեւ Հղումներ

MAKATANISHO 19:27

Mwana wapo, kukalegha mafundisho, kuchalaghaya kusowe kumanya.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

JEREMIA 17:21

BWANA waghamba huwu: Lindienyi marangi ghenyu. Mseduke misigo ingi na kuidia nayo mbengenyi ra Jerusalemu ituku ja Sabato.

MATHAYO 7:2

angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.

MARKO 9:7

Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”

LUKA 8:18

Kwa huwu, mkumanye seji msikiragha, angu uo uko nacho uchanekwa, sena uchachurilwa, ela uo usewadie, uchasokwa hata icho uririkanyagha oko nacho.”

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 5:25

Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

2 WAKORINTHO 9:6

Ilagho ni iji: uhu uwagha kwa wutini uchakuwida kwa wutini; na uhu uwagha kwa wungi, uchakuwida kwa wungi.

WAEBRANIA 2:1

Kwa huwo, suti diriwadie nandighi iro maza dirisikire, disechewuya nyuma.

1 PETRO 2:2

Sa wana wavalwa idakoni, ghikundenyi nandighi agho mariwa ghielie gha kiroho, ghipate kumzoghora hata mvikie kukia;

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.