MARKO 4:19 - Biblia Ilagho Jiboie Kwa Wandu Wose

¹⁹ ela masumbuko gha wurumwengu, kuboilwanya na bea ra vilambo vizima, kwangia na kujibwagha jija ilagho; najo jalemwa ni kuva matunda.

MARKO 4:19 Խաչաձեւ Հղումներ

MAKATANISHO 23:4

Kukaie na hikima; kusekubwaghe na kazi wei kualola mali.

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MCHILI 4:8

Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

ISAYA 5:2

Oreilimieghe, ukafunya magho gherekoghe, ukawa mzabibu ghuboie; ukaagha mnara ghadi na ghadi ya ndoe, ukakota kina chekamia zabibu, ukaweseria upate zabibu riboie, ela ghukava zabibu ra isakenyi.

ISAYA 5:4

Welee, niki chisigharikie niserechibonyereghe kwa mbuwa yapo ya mizabibu? Iji neresuwirieghe ive zabibu, yakaia wada ikava zabibu ra isakenyi?

MATHAYO 13:22

Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

MATHAYO 19:23

Niko Jesu ukawizera wanughi wake, “Namghoria loli, kuchakua nandighi kwa mundu uko na mali kungia kwa wuzuri ghwa mlungunyi.

MATHAYO 3:10

Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.

MARKO 4:18

Na wamu wakaia sa iro riwalo minjonyi. Wajisikira jija ilagho,

LUKA 10:41

Ela Bwana ukamtumbulia, “Marita, Marita, kwaja wasi na kusumbulwa ni maza nyingi;

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.

2 PETRO 1:8

Angu mkakaia na maza iri kwa wungi, richam'bonya msekaie waghadi, hata kulemwa ni mabonyo ghiwonyeragha uko kummanya Bwana odu Jesu Kristo.

JUDA 1:12

Wandu awa weeka sa maboli gha wuchafu andenyi ya karamu renyu ra lukundo, wikijanya nenyo wisene waya, na kukukunda weni. Weeka sa mawingu ghisewadie machi, ghidukwaa-dukwa ni mbeo; ni sa midi isewadie matunda ngelo ya kimu cha matunda, iko seji eekulwa na kufwa putu.