MARKO 3:24 - Biblia Ilagho Jiboie Kwa Wandu Wose

²⁴ Na wuzuri ghukareda mawaghanyiko, ndeghudimagha kumanga anduangi.

MARKO 3:24 Խաչաձեւ Հղումներ

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 20:6

Daudi ukamzera Abishai, “Kumanye Sheba mwana wa Bikri uchadiredia wasi kuchumba Absalomu. Idana wada wandu wapo kumnughe, usechengia andenyi ya ngome rimu ra muzi na kudilaghaya.”

EZEKIELI 37:22

Nani nichawibonya wikaie mbari imweri isangenyi, aighu ya mighondi ya Israeli; na mzuri umweri uchawibonyera nguma wose, nawo ndewichaakaia mbari iwi sena, hata ndewichaawaghika wikaie mawuzuri awi sena anduangi.

ZEKARIA 11:14

Nao ngachikanya changu chapo cha kawi chiwangwagha “Wumweri,” kughunona wuruna ghwa Juda na Israeli.

MATHAYO 12:25

Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi.

MARKO 3:23

Niko Jesu ukawiwanga, ukawizera kwa mifwano, “Welee, udima wada Shetani kukuwinga uo moni?

MARKO 3:25

Na muzi ghwa mundu ghukawaghanyika, ndeghudimagha kumanga.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.