MARKO 3:21 - Biblia Ilagho Jiboie Kwa Wandu Wose

²¹ Iji wakwawo Jesu wasikira malagho agho, wikafuma kwenda kummbwadia wikighamba, “Wawukwa ni isu.”

MARKO 3:21 Խաչաձեւ Հղումներ

2 WAZURI 9:11

Jehu uendawuya kwa wambao, wikamkotia, “Agho malagho ghaboie? Umundu wa isu wachabonyaki kwako?” Ukawizera, “Inyo mwamwichi mundu waro, na malagho ghake wori mwaghiichi putu.”

JEREMIA 29:26

BWANA wakubonyere kukaie mkohani wulalo ghwa mkohani Jehoiada, kupate kukaie mzighaniri wa Hekalu ya BWANA, na kumfunga kula mundu wa isu, uo ukubonyagha moni kukaia mlodi kwa kilingo na izango ja chuma singonyi kwake.

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

MARKO 3:31

Nao mae Jesu na waruna, wikamchea; nawo wikakaia kimusi shighadi, wikamdumia mundu ummbange.

JOHANE 10:20

Wengi wawo wikaghamba, “Oko na pepo, sena oko na isu, kwaki mumsikiragha?”

MABONYO GHA WADUMI 26:24

Nao iji Paulo orekoghe ukikudederia huwo, Festo ukaghamba kwa lwaka lubaa, “Paulo, koko na isu! Kushoma kwako kubaa kwaawuyakuwusira isu.”

2 WAKORINTHO 5:13

Angu ikakaia deeghalukwa ni akili redu, ni kwa wundu ghwa Mlungu; na ikakaia diko na akili redu nicha, ni kwa wundu ghwa fwaida enyu.