MARKO 2:27 - Biblia Ilagho Jiboie Kwa Wandu Wose

²⁷ Niko ukawizera, “Sabato erewikiloghe kwa wundu ghwa wadamu, ela si wadamu kwa Sabato anduangi.

MARKO 2:27 Խաչաձեւ Հղումներ

KUFUMA 23:12

“Kubonye kazi kwa matuku arandadu, ela ituku ja mfungade kusebonye kazi ingi, eri mzumba na mghenyi ukudumikiagha, hata na nyamandu rako wori ripate kuhora.

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

EZEKIELI 20:12

Sena ngawineka Sabato rapo wiriwadieghe; ikaie alama aghadi yapo na awo, eri wipate kumanya kukaia ni ini BWANA niwieleshagha.

EZEKIELI 20:20

Mueleshe Sabato rapo ripate kukaia alama aghadi ya ini na inyo; mpate kumanya angu ini ne BWANA Mlungu onyu.

MARKO 2:28

Niko huwu Mwana wa Mdamu ni Bwana hata wa Sabato wori.”

LUKA 6:9

Jesu ukawizera, “Namkotia welee, ni hachi kubonya nicha ituku ja Sabato angu kubonya kiwiwi? Kukira irangi angu kutotesha?”

JOHANE 7:23

Idana ikakaia mundu washamishwa ituku ja Sabato, eri Sharia ya Musa isechenonwa, welee, inyo mwanibonyera machu wei nam'boisa mundu ituku ja Sabato?

2 WAKORINTHO 4:15

Angu maza rose ni kwa wundu ghonyu, na sa iji koni mvono ghwa Mlungu ghuwivikiagha wandu wengi kuchumba, wokoni awo wengi, wichabonya malombi mengi ghefunya chawucha kwa wubaa ghwa Mlungu.

WUKUMBUSO 5:12

“‘Kujikumbuke ituku ja Sabato kujieleshe, sa iji koni ini BWANA Mlungu wako nerekulaghirieghe.

WUKUMBUSO 5:14

ela ituku ja mfungade, ni Sabato kwa wundu ghwa ini BWANA Mlungu wako. Ituku ijo kusebonye kazi ingi; oho, hata mwana wako wa womi angu wa waka hata mdumiki wako wa womi angu wa waka, hata ng'ombe yako hata punda wako, hata ingi ya mfugho rako, hata mghenyi ungi uko andenyi ya mbenge rako; eri mdumiki wako wa womi angu wa waka upate kuhora sakumoni.

WAKOLOSAI 2:16

Kwa huwu mndungi usakemtanya kwa maza ra vindo, angu kunywa, angu kwa wundu ghwa karamu ringi, angu matuku gha Mori Lukombe, angu Sabato.