MARKO 2:26 - Biblia Ilagho Jiboie Kwa Wandu Wose

²⁶ orengirieghe andenyi ya nyumba ya Mlungu, ukaja ija mikate erefunyiroghe kwa Mlungu, matuku gha Mkohani M'baa Abiathari; nayo yadarighidwa kujighwa ni mndungi, ela wakohani weni. Uo ukaija, sena ukawineka waja werekwanyeghe nao.”

MARKO 2:26 Խաչաձեւ Հղումներ

2 SAMUELI 15:24

Nao Abiathari ukajoka, na wokoni Zadoku ukacha chiaimweri na Walawi wose wikaidwa Sanduku ya Ilaghano ya Mlungu, wikaiwika andonyi hata wandu wose wikaruwuka kufuma mzinyi.

2 SAMUELI 15:29

Niko Zadoku na Abiathari wikaiduka Sanduku ya Ilaghano ya Mlungu, wikawuya nayo hata Jerusalemu; nawo wikakaia ahoeni.

2 SAMUELI 15:35

Nechi mkohani Zadoku na mkohani Abiathari weko aeni chiaimweri nenyo. Kwa huwo agho ghose kuchaaghisikira nyumbenyi kwa mzuri, kuchawighoria Zadoku na Abiathari, awo wakohani.

2 SAMUELI 20:25

na Sheva orekoghe muandiki; Zadoku na Abiathari werekoghe wakohani;

2 SAMUELI 8:17

na Zadoku mwana wa Ahitubu na Ahimeleki mwana wa Abiathari wikakaia wakohani; na Seraia ukakaia muandiki;

1 WAZURI 1:7

Orebonyereghe njama na Joabu mwana wa Seruia, na mkohani Abiathari; nawo wikakufunya kumtesia.

1 WAZURI 2:22

Mzuri Solomoni ukamzera mae, “Kwaki kulombagha Abishagi Mshunami ulowolo ni Adonija? Kumlombie hata na wuzuri wori, kwa kukaia uo ni m'baa wapo; sena mkohani Abiathari, na Joabu mwana wa Seruia weko luwaru lwake.”

1 WAZURI 4:4

Benaia mwana wa Jehoiada orekoghe m'baa wa majeshi; Zadoku na Abiathari werekoghe wakohani;

1 MALAGHO GHA NGELO 24:6

Mwandiki Shemaia mwana wa Nethaneli wa mbari ya Lawi ukawiandika mzuri uko aeni, na wabaa wa isanga, na mkohani Zadoku na Ahimeleki mwana wa Abiathari, na wabaa wa vichuku va wakohani na Walawi; kichuku chimu chikasaghulwa chikaie wulalo ghwa Eleazari, na chimu chikasaghulwa chikaie wulalo ghwa Ithamari.

MATHAYO 12:4

Uo na wambao werengirieghe andenyi ya nyumba ya Mlungu, wikaija mikate erefunyiroghe kwa Mlungu, nawo ndewerekoghe na rusa eja iyo mikate, angu yadajighwa ni Wakohani wiekeri.

MARKO 2:25

Jesu ukawitumbulia, “Welee, jingi ndemshomie seji orebonyereghe Daudi iji oresowieghe kindo chingi cheja? Uo, chiaimweri na awo werekwanyeghe, wiendazughwa,

1 SAMUELI 21:1

Nao Daudi ukaghenda cha kwa mkohani Ahimeleki aja Nobu. Ahimeleki ukacha kummara Daudi ukisughusika, ukamzera, “Kwaki kwacha kuekeri kusekwanye na mndungi?”

1 SAMUELI 23:6

Ngelo Abiathari mwana wa Ahimeleki orekimbiagha cha kwa Daudi aja Keila, oredwaeghe naivera.

1 SAMUELI 23:9

Daudi uendamanya kukaia Sauli wabonya mpango ghom'bonya kiwiwi, ukamzera uja mkohani Abiathari, “Reda iyo Naivera aha.”