MARKO 2:24 - Biblia Ilagho Jiboie Kwa Wandu Wose

²⁴ Mafarisayo wikamzera, “Zighana! Kwaki wibonyagha maza ririghidwagha kubonywa ituku ja Sabato?”

MARKO 2:24 Խաչաձեւ Հղումներ

KUFUMA 20:10

ela ituku ja mfungade ni Sabato kwa BWANA Mlungu wako. Ituku ijo, kusakebonya kazi ingi; oho, angu mwana wako wa womi, angu mwana wako wa waka, angu mzumba wako wa womi hata wa waka, mfugho rako, angu mghenyi uko andenyi ya mbenge rako.

KUFUMA 31:15

M'bonye kazi kwa matuku arandadu, ela ituku ja mfungade ni Sabato ehora ielie kwa BWANA. Uo ose uchaabonya kazi ituku ijo, uchabwaghwa.

ISAYA 56:2

Warasimilwa uo mundu uwadiagha agha na kughikatisha; uo uriwadiagha Sabato na kurimaziria userilushagha, ulindiagha usebonye ilagho jingi iwiwi.”

ISAYA 56:4

BWANA waghamba huwu, “Kolowi uo uriwadiagha Sabato rapo, na kusaghua iro maza nirikundagha, na kumaziria ilaghano japo,

ISAYA 56:6

“Na waghenyi awo wikufunyire kukukwanya na BWANA, wimdumikie na kujikunda irina jake wikikaia wadumiki wake, kula mundu uiwadiagha Sabato kuseko na kuinona, nao wamaziria ilaghano japo,

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

MATHAYO 12:2

Mafarisayo wiendawona agho, wikamzera Jesu, “Zighana wanughi wako seji wibonyagha maza risebonywagha ituku ja Sabato.”

MARKO 2:16

Na walimu wa Sharia wa Kifarisayo iji wammbona Jesu ukijanya na wakaung'a na wawadi wushuru, wikawikotia wanughi wake, “Kwaki ujanyagha chiaimweri na wawadi wushuru na wakaung'a?”

MARKO 2:25

Jesu ukawitumbulia, “Welee, jingi ndemshomie seji orebonyereghe Daudi iji oresowieghe kindo chingi cheja? Uo, chiaimweri na awo werekwanyeghe, wiendazughwa,

MARKO 2:7

“Kwaki mundu uhu waghora huwu? Wamsholia Mlungu! Nani udimagha kulekia wandu kaung'a ela umweri, nao ni Mlungu moni?”

WAEBRANIA 12:3

Mtalenyi uo orerumaghieghe kutangalwa kung'ane huwu ni wakaung'a, eri msechesilwa ni ndighi angu kufwa ngolo.