MARKO 2:17 - Biblia Ilagho Jiboie Kwa Wandu Wose

¹⁷ Iji Jesu wasikira, ukawizera, “Awa wiko banana ndewikunde mghanga ungi, ela awa wiko wakongo. Serechieghe kuwanga wahachi anduangi, ela wakaung'a.”

MARKO 2:17 Խաչաձեւ Հղումներ

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

LUKA 15:29

Ela ukamtumbulia ndee ukaghamba, ‘Zighana miaka yose ihi nakudumikia na jingi sikosere momu ghwako anduangi, ela jingi ndekuninekie hata ndaghina cheni nibonye maseko na waghenyi wapo.

LUKA 15:7

Namghoria huwo koni, kuchakaia na kuboilwa mlungunyi kwa wundu ghwa mkaung'a uheagha, kuchumba wandu wa hachi mirongo ikenda na ikenda wiseko na wundu ghwa kuhea anduangi.

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

LUKA 19:10

Angu Mwana wa Mdamu orechieghe kulola na kukira icho cherelagharieghe.”

JOHANE 9:34

Wikatumbulia, “Wele kuadifundisha isi, na oho koovailwa kaung'enyi tiki?” Nao wikammbinga noko.

JOHANE 9:40

Mafarisayo wamu werekoghe kaavui wikasikira agho malagho wikamkotia, “Welee, na isi wori deeka vitungure?”

MABONYO GHA WADUMI 20:21

ngiwishuhudia Wayahudi na Wagriki wori angu wihee kwa Mlungu na kurumiria kwake Bwana odu Jesu Kristo.

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.