MARKO 16:18 - Biblia Ilagho Jiboie Kwa Wandu Wose

¹⁸ Wichawada choka, na hata ngera wanywa kindo chingi chebwagha, ndewichaawona ilagho jingi anduangi. Wichawiwikiria wakongo mikonu, nawo wichaboa.”

MARKO 16:18 Խաչաձեւ Հղումներ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

ZABURI 91:13

Kuchawadia shimba na mwaropo; kuchafasha-fasha mwana wa shimba na choka ya wusungu.

MARKO 5:23

ukimvoya nandighi ukighamba, “Mnjighe wapo oko kaavui na kufwa. Nakulomba kuche, kummbikirie mikonu yako, uboo ukaie moyo.”

LUKA 10:19

Olenyi namneka nguma rekanyanga aighu ya choka na vishushe, na kurisima ndighi rose ra uja m'maiza, hata ndekuwadie kindo chingi chichaam'bonya ilagho jingi anduangi.

MABONYO GHA WADUMI 19:12

hata vitambaa na nguwo rake orekoghe ukirwa verekoghe vikidwailwa wakongo nawo wikaboa, na awo werekoghe na pepo rizamie rikawifuma.

MABONYO GHA WADUMI 3:12

Petro uendawona awo wandu, ukazoya kuwichilia, “Inyo wandu wa Israeli, kwaki mughishinikiagha agha, angu kwaki mudizighanagha nandighi huwu seji ni kwa ndighi redu reni, angu kwa wueli ghodu dam'bonya mundu uhu ughende?

MABONYO GHA WADUMI 3:16

Na kwa ndighi ra irina jake, na irumirio jiko kwa ijo irina jake, jamneka ndighi mundu uhu mwawuyammbona na kummanya; na ijo irumirio jiko kwa chia ya Jesu, jamneka mundu uhu wubanana ghukate mesonyi konyu inyo mmbose.

MABONYO GHA WADUMI 4:10

ndejimanyike konyu na kwa Waisraeli wose kukaia, kwa irina ja Jesu Kristo wa Nazareti, uo moremsulubishireghe, nao moni Mlungu ukamrukisha kufuma kwa wafu, kwa uo, mundu uhu oko kimusi imbiri konyu uboisiro putu.

MABONYO GHA WADUMI 4:22

Uo mundu oreboisiroghe orekoghe wachumba irika ja miaka mirongo ina.

MABONYO GHA WADUMI 4:30

na oho ghorua mkonu ghwako kuboise, na kubonya weke mwakilimbiti na mashiniko kwa irina ja mdumiki wako Mweli Jesu.”

MABONYO GHA WADUMI 9:34

Petro ukamzera, “Ainea, Jesu Kristo wakuboisa, wuka kuale wuli ghwako.” Nao ukawuka shwa wori.

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

1 WAKORINTHO 12:9

mzima ukaanekwa irumirio kwa uja Roho moni, na mzima ukaanekwa manosi gheboisa wakongo, kwa uja Roho moni;