MARKO 15:5 - Biblia Ilagho Jiboie Kwa Wandu Wose

⁵ Ela Jesu ndereghorieghe ilagho jingi sena anduangi, hata Pilato ukashinika.

MARKO 15:5 Խաչաձեւ Հղումներ

ZABURI 71:7

Ini nakaie sa kilambo cheshinikilwa kwa wengi, ela oho ko andu kwapo kumange kokimbiria.

ISAYA 53:7

“Orekorongeloghe na kutirirwa, ela ndereghorieghe ilagho jingi; Orenyameghe kima kara kara na mwana wa ng'ondi ughenjwagha kichinjonyi, ee, seji ng'ondi ikaiagha kima imbiri ya uo mundu uidumbuagha mafuri; nderetumbulieghe ilagho jingi anduangi.

ISAYA 8:18

Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

MATHAYO 27:12

Ela iji orekoghe ukishitakilwa ni wakohani wabaa na waghosi, uo nderetumbulieghe ilagho jingi anduangi.

MATHAYO 27:14

Ela Jesu nderetumbulieghe ilagho jingi anduangi, hata uo m'baa wa isanga ukashinika.

MARKO 15:4

Pilato ukamkotia indo ja kawi, “Welee, ndekughoragha ilagho jingi? Zighana iro maza nyingi wikushitakiagha naro.”

LUKA 23:9

Kwa huwo ukamkotia makoto malazi, ela Jesu nderemtumbulieghe anduangi.

JOHANE 19:9

Ukangia sena andenyi ya praetoriumu ukamkotia Jesu, “Welee, kwafuma hao?” Ela Jesu nderetumbulieghe ilagho jingi anduangi.

1 WAKORINTHO 4:9

Ini naawuyawona seji Mlungu oodiwika dikaie worinyi isi wadumi wa kutua, sa wandu ditanyiro kubwaghwa. Dakaia mazighano kwa wurumwengu, na kwa weke malaika, na kwa wadamu.