MARKO 14:6 - Biblia Ilagho Jiboie Kwa Wandu Wose

⁶ Ela Jesu ukawizera, “Mlekenyi; kwaki mumjishagha wasi, nao wanibonyera ilagho jiboie?

MARKO 14:6 Խաչաձեւ Հղումներ

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

MATHAYO 26:10

Ela Jesu ukimanya agho ukaghamba, “Kwaki mumsumbuagha uhu muka? Uo wanibonyera ilagho icha.

MARKO 14:5

Kumangu ghauzwa kwa dinari kuchumba maghana adadu, na kunekwa wakiwa!” Wikamkemia uja muka.

MARKO 14:7

Wakiwa mokwanye matuku ghose, na iji mwakunda mwadima kuwitesia; ela ndemchaakanya na ini matuku ghose anduangi.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

2 WAKORINTHO 10:18

Angu mundu nderumirilwagha kwa kukukasa uo moni anduangi, ela uarumirilwa kwa kukaswa ni Bwana.

2 WAKORINTHO 9:8

Na Mlungu wadima kumneka inyo kula irasimio kwa wungi, eri ngelo rose mkaie na kukatwa ni kula kindo, mpate kufunya kwa wungi kwa wundu ghwa kula kazi ndicha.

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

2 WATHESALONIKE 2:17

ndemhoreshe ngolo renyu na kurimangisha kwa kula ilagho, na kazi ndicha.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

2 TIMOTHEO 2:21

Ngera mndungi wakuelesha moni na iro maza mbiwi, uchakaia chombo cha ishima, chiwikilo wakfu, chimfwanagha mundu wa nyumba, kwa wundu ghwa kula kazi ndicha.

2 TIMOTHEO 3:17

eri mundu wa Mlungu ukaie ukatie, uko tayari kubonya kula kazi ndicha.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

WAEBRANIA 10:24

Nesi ndeditalane na kushashiriana diweni na diweni, kwa lukundo, na kubonya kazi ndicha.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.