MARKO 13:26 - Biblia Ilagho Jiboie Kwa Wandu Wose

²⁶ Niko wichaammbona Mwana wa Mdamu ukicha mawingunyi kwa ndighi na wubaa mungi.

MARKO 13:26 Խաչաձեւ Հղումներ

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

MARKO 14:62

Jesu ukatumbulia, “Ini nuo moni; nenyo mchammbona Mwana wa Mdamu uko kidombo chia ya mkonu ghwa kiwomi ghwa Uo-Uwadie-Ndighi-Rose, sena mchammbona ukicha na mawingu gha mlungunyi.”

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MARKO 8:38

Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”

1 WATHESALONIKE 4:16

Angu Bwana moni uchasea kufuma mlungunyi, na lwaka lubaa lwa nguma, na kuwanga kwa malaika m'baa, na lwaka lwa tarumbeta ya Mlungu. Na awo wifue andenyi ya Kristo, wichazoya kuruka;

MABONYO GHA WADUMI 1:11

“Wele Wagalilaya, niki mzighaniragha nokoighu cha mlungunyi? Uhu Jesu, wadwalwa cha mlungunyi kufuma konyu, uchawuya wokoni huwu sa iji koni mwammbona ukighenda cha mlungunyi.”

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MARKO 9:1

Ukachuria kuwizera, “Namghoria loli, koko wandu wiko kimusi aha, na jingi wisechaatoa kifwa anduangi, hata wameria kughuwona wuzuri ghwa Mlungu ghukicha kwa ndighi.”

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.

2 PETRO 1:16

Angu ndederenughieghe chughano ridungilo kwa wuya, iji deremmanyishireghe iro ndighi na kucha kwake Bwana odu Jesu Kristo, ela dereghuwonieghe wubaa ghwake na meso ghedu isi diweni.