MARKO 13:22 - Biblia Ilagho Jiboie Kwa Wandu Wose

²² Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

MARKO 13:22 Խաչաձեւ Հղումներ

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

MARKO 13:21

“Kimu icho, ngera mndungi wamzera, ‘Kristo hoyu aha!’ angu ‘Hoja aja!’ msakerumiria.

MARKO 13:23

Nenyo mkumanye angu namghoria maza rose kiimbiri.”

MARKO 13:6

Wengi wichacha wikitumia irina japo wikighamba, ‘Ini nuo moni;’ nawo wichalaghasha wengi.

JOHANE 4:48

Jesu ukamzera, “Msaawona weke mwakilimbiti na mashiniko ndemdimagha kurumiria anduangi.”

WUKUMBUSO 13:1

“Mlodi ungi, angu mtambushiri ndodo ukawuka aghadi konyu, nao ubonye mwakilimbiti angu alama,

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

1 JOHANE 2:18

Wanake, ni ngelo ya kutua; na seji koni msikire kukaia M'maiza wa Kristo uchacha, ni huwo koni idana wamaiza wa Kristo wengi wamerie kucha; niko isi damanya angu ni ngelo ya kutua.

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.

1 JOHANE 2:26

Namuandikia agha malagho aighu ya awo wandu wikundagha kumlaghasha.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.