MARKO 13:11 - Biblia Ilagho Jiboie Kwa Wandu Wose

¹¹ Nao kasikira mwawadwa na kushitakilwa, msakeja wasi kiimbiri wei mchaghora wada, ela iro muchaanekwa kughora kwa ija ngelo cheni, niro reni, righorenyi; angu si inyo mghoragha anduangi, ela ni Roho Mweli ughoragha.

MARKO 13:11 Խաչաձեւ Հղումներ

2 SAMUELI 23:2

Roho wa BWANA wawuyaghora ukinitumia, nadaghora malagho ghake na momu ghwapo.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

MATHAYO 10:17

Mkulindie na wadamu, angu wichamghenja mandunyi nawo wichamkaba na viboko andenyi ya sunagogi rawo.

MARKO 13:12

Mundu uchamfunya mruna ubwagho; ndee mwana uchamfunya mwana, na wana wichawighalukia wavi wawo, wipate kuwibwagha.

MARKO 13:9

“Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

LUKA 21:12

Ela imbiri ya maza iri rose kuwoneka, wichammbwada inyo na kumtirira, wichamghenja mandunyi ya sunagogi, wipate kumngira kifungonyi, mchaghenjwa imbiri ya wazuri na awo wibonyagha nguma, kwa wundu ghwa irina japo.

JOHANE 3:27

Johane ukawizera, “Mndungi ndedimagha kukaia na kilambo chingi ngera usenekelo ni Mlungu.

MABONYO GHA WADUMI 2:4

Wikachulwa ni Roho Mweli wose, wikazoya kudeda na viteto vizima, sa iji uo Roho orewidimishireghe kughora.

MABONYO GHA WADUMI 3:13

Mlungu wa Abrahamu, Isaaka, na Jakobo; Mlungu wa weke aba wedu, wamneka wubaa mdumiki wake Jesu uo moremfunyireghe na kumlegha imbiri ya Pilato; iji orekundeghe kumfungua.

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

MABONYO GHA WADUMI 6:10

Ela Roho oremnekieghe Stefano hikima eghora hata ndeweredimieghe kusimana nao anduangi.

MABONYO GHA WADUMI 6:15

Wandu wose werekoghe mwandunyi wikimkuya meso wikaghuwona wushu ghwake sa wushu ghwa malaika.

MABONYO GHA WADUMI 7:55

Ela Stefano ukichulwa ni Roho Mweli, ukazighana nokoighu cha mlungunyi, ukaghuwona wubaa ghwa Mlungu, na Jesu uko kimusi chia ya mkonu ghwa kiwomi ghwa Mlungu:

1 WAKORINTHO 2:13

Kwa huwu daghora agha, si kwa malagho ghifundishwagha kwa hikima ya kidamu anduangi, ela agho ghifundishwagha ni Roho; dikiwonyera loli ya kiroho kwa awo wiko na uo Roho.

WAEFESO 3:5

Nayo ndeeremanyishiroghe wandu wa vivalwa vizima, seji imanyishiro idana kwa wadumi na walodi wake wielie, kwa chia ya uo Roho Mweli;

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.