MARKO 12:6 - Biblia Ilagho Jiboie Kwa Wandu Wose

⁶ Nao orekoghe na umu sena, mwana wake, wangolo wake. Kutua ukamduma uo moni kwawo, ukighamba, ‘Wicham'bonyera ishima mwana wapo.’

MARKO 12:6 Խաչաձեւ Հղումներ

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

KUZOYA 22:2

Mlungu ukamzera, “Mmbwade mwana wako, uo mwana wako wa ititi Isaaka kumkunde na ndighi, kughende nao isanga ja Moria, kumfunye kizongona chekora aho aighu ya mghondi ghumu nichaakughoria.”

KUZOYA 37:3

Israeli oremkundieghe Josefu kuchumba waruna wose, angu orekoghe mwana wa wughosi ghwake, nao ukam'bonyera nguwo ndacha, iko na mikonu milacha.

KUZOYA 44:20

Nesi dikakutumbulia bwana wapo, ‘Deko na aba nao ni mghosi, na mwanidu mtini mwana wa wughosi ghwake, na mruna wafue oosigharika uekeri kwa mae, kwa huwu ndee wamkunde na ndighi.’

ZABURI 2:12

Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MARKO 1:11

Lwaka lukasikirwa kufuma mlungunyi, “Oho ko Mwana wapo, mkundwa, kuniboiagha loli-loli.”

MARKO 12:5

Ukaduma mzima sena; nao moni wikam'bwagha. Na wazima wengi, wamu wikawikaba, na wamu wikawibwagha.

MARKO 12:7

Ela waja walimi wikazerana weni na weni, ‘Uhu ni mundu wa ifwa, nndokonyi dim'bwaghe na ifwa jichawuya jedu.’

MARKO 9:7

Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”

LUKA 3:22

na Roho Mweli ukamseria aighu kwake uko na fwana ya mumbi sa mbughi, na lwaka lukafuma mlungunyi, “Oho ko Mwana wapo mkundwa, niboilwagha ni oho loli-loli.”

LUKA 9:35

Lukacha lwaka andenyi ya jija iwingu lukighamba, “Uhu ni Mwana wapo, msaghulwa wapo, msikirenyi.”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 1:34

Nani nawonie, niko nashuhudia angu uhu ni Mwana wa Mlungu.”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 3:35

Uja Aba wamkunde Mwana, nao wamnekie vilambo vose.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

WAEBRANIA 1:6

Na sena iji wamreda wurumwengunyi uo mvalwa wa imbiri waghamba, “Malaika wose wa Mlungu ndewimtase.”

1 JOHANE 4:9

Kwa chia ihi, lukundo lwa Mlungu lorewonekieghe worinyi aghadi kodu; kukaia, Mlungu oremdumieghe Mwana wake wa ititi wurumwengunyi, eri dipate kukaia moyo kwa chia yake uo.

3 JOHANE 1:1

Ini mghosi, nakuandikia oho mkundwa Gayo nikukunde kwa loli.