MARKO 12:10 - Biblia Ilagho Jiboie Kwa Wandu Wose

¹⁰ Welee, jingi ndemshomie iandiko iji? ‘Igho jija werejileghieghe waaghi, nijo jeni jawuya ibaa ja mbembenyi.

MARKO 12:10 Խաչաձեւ Հղումներ

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

MATHAYO 12:3

Jesu ukawitumbulia, “Wele jingi ndemshomie seji Daudi na wambao werebnyereghe iji weresikireghe njala?

MATHAYO 19:4

Jesu ukawitumbulia, “Jingi ndemshomie sa iji iandikilo, angu Mlungu kufuma imbiri orewiumbieghe mndwawomi na muka,

MATHAYO 21:16

wikamzera Jesu “Kwasikira seji awa wawuyaghora?” Jesu ukawizera, “Hee; wele jingi ndemshomie seji iandikilo: ‘Kwawibonya wanake watini na awo wiongagha, wifunye makaso ghikatie.’”

MATHAYO 21:42

Aho Jesu ukawizera, “Welee, jingi ndemshomie sa iji iandikilo: ‘Igho jerelegheloghe ni waaghi, nijo jeni jiwurie ibaa ja mbembenyi. Na iji ni ibonyo ja Bwana moni, najo jakaia ja mashiniko mesonyi kodu.’

MATHAYO 22:31

Idana seji wafu wirukishwagha, ndemshomie seji mzerelo ni Mlungu?

MARKO 12:26

Ela kwa malagho gha wafu seji wirukishwagha, welee, jingi ndemshomie chuonyi cha Musa andu kuandikilo malagho gha kisachi chiakagha modo? Mlungu oremzerieghe Musa ‘Ini ne Mlungu wa Abrahamu, wa Isaaka na wa Jakobo’.

MARKO 12:9

“Idana, uchabonya wada uja bwana wa mbuwa ya mizabibu? Uchacha na kuwitotesha waja walimi, na mbuwa ya mizabibu uchaipangisha kwa walimi wazima.

MARKO 13:14

“Ela kasikira mwammbona uja ‘Mmbiwi Mnoni’ wakaia kimusi andu kuseko kwake anduangi, (uo ushomagha ndetambuo); kimu icho, awa wiko Judea, ndewikimbirie mghondinyi.

MARKO 2:25

Jesu ukawitumbulia, “Welee, jingi ndemshomie seji orebonyereghe Daudi iji oresowieghe kindo chingi cheja? Uo, chiaimweri na awo werekwanyeghe, wiendazughwa,

LUKA 6:3

Jesu ukawitumbulia, “Welee, jingi ndemshomie seji Daudi orebonyereghe iji uo andwamweri na awo werekwanyeghe werezughiloghe?

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”