MARKO 11:23 - Biblia Ilagho Jiboie Kwa Wandu Wose

²³ Namghoria loli, uo ose uchaaghuzera mghondi ughu, ‘Kuka kukukumbe baharinyi’, nao ndekaiagha na ngera ingi ngolonyi kwake, ela warumiria angu agho ughoragha ghichakaia wokoni, loli uchabonyerwa.

MARKO 11:23 Խաչաձեւ Հղումներ

ZABURI 37:4

Boilwa andenyi ya BWANA, nao uchakukatishira bea ya ngolo yako.

MATHAYO 14:13

Nao iji Jesu wasikira malagho gha Johane, ukafuma aho kwa ishua ukaghenda andu kusewadie wandu. Ela wandu wikamanya wikamnugha kwa maghu kufuma mizinyi.

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MATHAYO 21:21

Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.

LUKA 17:6

Bwana ukaghamba, “Ngera modeeka na irumirio jing'ane sa ndembe ya haradali, kumangu mwaghuzera muku ughu, ‘Kuka kuwalo baharinyi’ nagho kumangu ghwamsikira.”

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 15:7

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

1 WAKORINTHO 13:2

Na ngera nakaia nandighi ra wulodi, na kutambua ngasu rose, na kumanya kose; na ngera nakaia na irumirio jikatagha kuinja mighondi, nani siwadie lukundo, se kilambo chingi.