MARKO 10:22 - Biblia Ilagho Jiboie Kwa Wandu Wose

²² Ela ukaghusha makunya kwa wundu ghwa ilagho jija, ukaghenda na wasi, angu orekoghe na mali nyingi.

MARKO 10:22 Խաչաձեւ Հղումներ

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

MATHAYO 13:22

Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

MATHAYO 19:22

Uja mdawana uendasikira agho, ukaghenda na wasi, angu orekoghe na mali nyingi.

MATHAYO 27:3

Niko aho Juda, uo oremfunyireghe, iji wawona angu Jesu wameria kutanywa, ukahea na kuwiwunjira wakohani wabaa na waghosi vija vibelele mirongo idadu va feza;

MARKO 10:21

Nao Jesu ukamzighana kwa lukundo, ukamzera, “Ola kwasowa wundu ghumweri: ghenda kuuze ivo vose kuko navo, kuwineke wakiwa, na oho kuchakaia na mali mlungunyi; konyuma kuche kuninughe.”

MARKO 10:23

Jesu ukazighana chia rose, ukawizera wanughi wake, “Kuchakua nandighi saki kwa wandu wiko na mali kungia kwa Wuzuri ghwa Mlungu!”

MARKO 6:20

Herode oremuobueghe Johane, ukimmanya angu oko mundu wa hachi, na mweli, ukamlindia. Hata ngera kuja kusikira machilo gha Johane koremkambirieghe chongo, ela sena orekoghe ukimsikiria kwa kuboilwa.

MARKO 6:26

Mzuri ukawawa ni ngolo loli-loli, ela kwa wundu ghwa jija ighemi jake, na kwa wundu ghwa waja waghenyi wake, ukalemwa ni kumuima.

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

LUKA 18:23

Nao iji wasikira agho, ukakaia na wasi angu orekoghe na mali nyingi.

2 WAKORINTHO 7:10

Angu kuwawa komzighana Mlungu kwadareda kuhea hata kuvikia kukia, nako ndekuvaviragha, ela kuwawa kwa wurumwengu kwadareda kifwa.

WAEFESO 5:5

Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.