MALAKI 3:15 - Biblia Ilagho Jiboie Kwa Wandu Wose

¹⁵ Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

MALAKI 3:15 Խաչաձեւ Հղումներ

ESTA 5:10

Ela ukakuwadia ukaghenda nyumbenyi kwake. Nao iji wavika ukawidumiria waghenyi wake wiche nyumbenyi kwake, ukamlomba mkake Zereshi ukaie andwamweri nawo.

AYUBU 1:22

Kwa agho ghose, Ayubu nderebonyereghe kaung'a ingi, hata kumfunya Mlungu makosa anduangi.

AYUBU 12:6

Ela vitoi na wandu wisemuichi Mlungu weeka na sere, hata ngera Mlungu ghwawo ni ndighi rawo.

AYUBU 21:30

Kukaia, mundu mmbiwi nuo ukirwagha ngelo ya ndengwa, na kukaia ingelo Mlungu wakakaba wandu kwa machu ghake, nuo usighwaghwa?

AYUBU 22:23

Mmburie Uo-Uwadie-Ndighi-Rose, kukusere; kuinje wuwiwi ghwawuyabonywa nyumbenyi kwako.

ZABURI 10:3

Mundu mmbiwi wadakukasa na bea ra ngolo yake, mundu wa choyo, wadamuewia na kumlegha BWANA.

ZABURI 106:14

Werengiriloghe ni bea izamie kireti, wikamtima Mlungu;

ZABURI 141:4

Kusakenisigha niboilo ni kubonya makosa, na kukuranganya na wawiwi andenyi ya mabonyo ghawo ghizamie; Jingi kusenisighe ningie andenyi ya karamu rawo.

ZABURI 49:18

Hata ngera orekuwonieghe moni kukaia mrasimilwa ingelo uko moyo, na kukumwa kwa agho wawuyabonya,

ZABURI 58:2

Hata! Mwadaririkanya mawiwi maduu ngolonyi konyu, na kukita wandu ndoenyi.

ZABURI 73:12

Huwo niko wandu wawiwi wiko; weeka na iseko ngelo rose, na mali rawo rachurikia.

ZABURI 73:3

Kwa kukaia nedewadwa ni iriso ja wang'eti, niendawona wawiwi wikikaia nicha.

ZABURI 78:18

Weremtimieghe Mlungu kidali, kwa kukaia na bea ya vindo werevikundieghe.

ZABURI 78:41

Weremtimieghe sena na sena, na kum'bonya Uo Mweli wa Israeli ujoko ni machu.

ZABURI 78:56

Ela sena wikamtima na kumlegha Mlungu Uo-Uko-Aighu-Nandighi, hata ndewereiwadieghe memu yake anduangi.

ZABURI 95:9

Weke ndeyo werenitimieghe aho, wikanipima hata ngera saki werewonieghe kazi rapo.

MAKATANISHO 12:12

Wawiwi wadaboilwa ni kuwona wawiwi wambao wikisoka, ela mundu wa hachi wadakaia umange usenyavurikagha.

MCHILI 8:14

Ghoko wuwiwi ghwawuyabonyeka ndoenyi: mundu wa hachi kukabwa makabo gha mundu mmbiwi, na mundu mmbiwi kulipwa malipo gha mundu wa hachi. Naghamba, iri naro ni maza ra duu.

ISAYA 2:22

Sigha kumrumiria mdamu, uo urudagha miruke na mbua yake, kwa kukaia uo si kilambo chingi anduangi.

JEREMIA 7:10

nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

DANIELI 4:30

Mzuri ukaghamba, “Welee, ugho sighoghoni muzi ghwa Babuloni m'baa nighuaghie kwa kudima kwapo ghukaie malalo gha kiwuzuri ghwa wubaa na nguma?”

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 6:16

Mzuri ukafunya momu Danieli uredo. Nao ukaredwa na kukumbwa andenyi ya kizimba cha shimba. Mzuri ukamzera Danieli, “Mlungu wako uo kumdumikiagha tuli tuli ukukire!”

MALAKI 2:17

Mwamsirishire BWANA na malagho ghenyu. Ela inyo mwaawuyakotia, “Damsirishire wada?” Mwamsirishire kwa kughamba, “BWANA Uwadie-Ndighi-Rose wadaghesha wabonyi kiwiwi wose waboie; kwa loli wawikunde.” Na sena kwa kukotia, “Oko hao Mlungu wa hachi?”

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MABONYO GHA WADUMI 12:21

Ituku jimu jeresaghuloghe, Herode orerwaeghe nguwo ra kiwuzuri, ukasea kidombo kifumbinyi cha nguma, ukawija malagho.

MABONYO GHA WADUMI 5:9

Nao Petro ukamzera, “Yakaia wada inyo kurumiriana mumtime Roho wa Bwana? Sikira, wandu wamrika mmigho weko mnyangonyi, nawo wichakuduka oho wori cha shighadi.”

1 WAKORINTHO 10:9

Disakemtima Bwana, sa iji wamu wawo werebonyereghe; wikatoteshwa ni choka.

WAEBRANIA 3:9

iji weke wawa wenyu werenitimieghe, hata ngera wereriwonieghe kazi rapo kwa miaka mirongo ina.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”