MALAKI 2:2 - Biblia Ilagho Jiboie Kwa Wandu Wose

² Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

MALAKI 2:2 Խաչաձեւ Հղումներ

ZABURI 69:22

Karamu rawo nderiwuye shaghala, na ndima rawo ra vizongona riwuye mdegho.

MAKATANISHO 3:33

BWANA wadaiwasira mizi ya wawiwi njowe! Ela wadairasimia mizi ya wahachi!

ISAYA 42:25

Niko huwo BWANA ukawidiria machu ghake ghibirie, na ugho wuda ghubirie; werekoreloghe ni machu ghake, ela awo ndeweremanyireghe gherewikorieghe, hata ndeweretalieghe anduangi.

ISAYA 47:7

Na oho koreghambieghe, ‘Nichakaia malkia kwa kala na kala;’ kwa huwo ndekoretalieghe malagho agha ngolonyi kwako hata ndekoregheshereghe ghikaia gha wada kutua kwaro.

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.

EZEKIELI 3:7

Ela wandu wa Israeli ndewichaakusikira, angu wisekunde kunisikira, kwa kukaia wandu wa Israeli ni wandu wikurilo ni vongo, wighilikie.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

HAGAI 1:9

“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake.

MALAKI 2:1

BWANA-Uwadie-Ndighi-Rose wawizera wakohani, “Momu ughu ni kwa wundu ghonyu:

MALAKI 3:9

Inyo mmbose mbari yose moowadwa ni njowe, angu mwawuyaniiwia.

LUKA 17:18

Ndewonekie ungi owuya na kumkasa Mlungu, ela uhu mghenyi moni?”

JOSHUA 7:19

Joshua ukamzera, “Mwana wapo, kwa wundu ghwa ishima ja BWANA wa Israeli, nighorie loli; kwabonyere wada? Kusenivise ilagho jingi.”

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

WUFUNUO 14:7

ukaghora kwa lwaka lubaa, “Muobuonyi Mlungu, mumneke wubaa, angu ngelo ya kutanya kwake yameria kuvika; mtasenyi uo ubonyere mlungunyi na ndoenyi, bahari na ndoria ra machi.”

WUFUNUO 16:9

wandu wikakorwa ni modo ghubirie, nawo wikajiewia irina ja Mlungu uo orekoghe ukighibonyera nguma agho makabo; hata ndewereherieghe na kumneka Mlungu wubaa anduangi.