MALAKI 2:10 - Biblia Ilagho Jiboie Kwa Wandu Wose

¹⁰ Welee, isi diwose ndedeeka na aba umweri? Ndedeeumbwa ni Mlungu umweri? Kwaki sena dasowiana wuloli diweni na diweni, na kwaki dijimenyagha ilaghano jibonyero ni Mlungu kwa weke wawa?

MALAKI 2:10 Խաչաձեւ Հղումներ

NEHEMIA 13:29

Kumbuka ee Mlungu wapo seji awa wandu wailusha kazi ya wukohani na ilaghano ja wukohani na Walawi.

AYUBU 31:15

Welee, uo Mlungu uniumbie, suo moni uwiumbie wadumiki wapo? Suo moni orediumbieghe diwose?

ZABURI 100:3

Manyenyi kukaia BWANA ni Mlungu, nuo orediumbieghe, nesi de wake; de wandu wake, na ng'ondi ra malisha ghake.

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

KUFUMA 19:5

Idana ngera mchasikira lwaka lwapo, na kughiwadia malaghiro ghapo, mchakaia wandu wapo weni aghadi ya wandu wose, angu ndoenyi kose ni kwapo;

KUFUMA 24:3

Musa ukacha na kuwighoria wandu memu na Sharia rose ra BWANA; na wandu wose kwa wumweri wikatumbulia, “Dichabonya maza rose sa iji BWANA waghora.”

KUFUMA 24:7

Ukawusa chuo cha malaghano, andu malaghiro gha BWANA ghereandikiloghe; ukaghishomia wandu kwa lwaka. Nawo wikaghamba, “Dichamsikira BWANA, na kubonya agho ghose oreghilaghirieghe.”

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 43:15

Ini ne BWANA, uo Mweli onyu Muumbi wa Israeli, Mzuri onyu.”

ISAYA 43:7

awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”

ISAYA 44:2

Ini ne BWANA uo orekuumbieghe, nakuteserie kufuma kuvalwa kwako. Kusakeobua Israeli oho ko mdumiki wapo, wandu wapo niwisaghue, awo niwikundagha.

ISAYA 51:2

Mzighanenyi ndeyo onyu Abrahamu, na Sara uo oremvaeghe. Kwa kukaia neremmbangieghe ngelo usene mwana ungi, ngamrasimia na kum'bonya uve kwa wungi.

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

EZEKIELI 33:24

“Mwana wa mdamu, wandu wikaiagha andu kunonelo kwa isanga ja Israeli waawuyaghamba, ‘Abrahamu odeeka mundu umweri, nao ukanekwa iji isanga ujiwuse; isi dakaia wengi; loli danekelo iji isanga dijiwuse.’

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MALAKI 2:11

Wandu wa Juda wachikanyire ilaghiro jawo kwa Mlungu, na kubonya ilagho jizamie Jerusalemu na isangenyi kose. Juda wailushire Hekalu ya BWANA uikunde; wandu wake wikalowua waka wa kighenyi witasagha milimu.

MALAKI 2:8

“Ela idana inyo wakohani mwaghalukie na mbai na kuisigha chia; mwawikuwishire wandu wengi kwa mafundisho ghenyu; mwamerie kujinona ilaghano nibonyere nenyo.

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MATHAYO 3:9

Hata msakeghesha mkighamba wei, ‘Isi de wana wa Abrahamu.’ Angu namghoria, Mlungu wadima kughibonya magho agha ghiwuye wana wa Abrahamu.

LUKA 1:73

Ighemi oremghemieghe Aba odu Abrahamu ja kudineka isi kukaia,

LUKA 3:8

Idana bonyenyi maza rifwananagha na uko kuhea konyu, hata msakeghora wei, ‘Deko na aba odu Abrahamu:’ angu namzera, Mlungu wadima kumfunyira Abrahamu wana kufuma kwa magho agha!

JOHANE 8:39

Nao wikamzera, “Aba odu ni Abrahamu.” Jesu ukawizera, “Ngera loli modeeka wana wa Abrahamu, kumangu mwabonya seji Abrahamu orebonyereghe.

JOHANE 8:41

Inyo mwaawuyabonya sa ndeyo.” Nao wikamzera, “Isi ndederevaloghe kwa chia ya kulaka, deko na Aba umweri, Mlungu moni.”

JOHANE 8:53

Oho ko m'baa kuchumba aba odu Abrahamu nao wafue, na walodi wafue! Kwakubonya kumoni kukaia ani?”

JOHANE 8:56

Ndeyo onyu Abrahamu oreboiloghe angu ochaajiwona ituku japo, nao ukajiwona ukaboilwa.”

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.

MABONYO GHA WADUMI 17:25

Hata ndedumikilwagha kwa mikonu ya wandu seji oosowa kindo chingi anduangi; angu uo moni nuo uwinekagha wandu wose irangi, miruke, na vilambo vose.

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

MABONYO GHA WADUMI 7:2

Stefano ukaghamba, “Wanidu na weke aba nisikirienyi. Mlungu wa wubaa oremfutukieghe aba odu Abrahamu iji orekoghe Mesopotamia imbiri useghendie kukaia Harani

MABONYO GHA WADUMI 7:26

Ituku ja kawi orewikueghe Waisraeli wikirashana weni na weni, ukakunda kuwipatanisha ukighamba, ‘Wele wandu, mkwanywa niki mundu na mruna wori?’

WAROMA 4:1

Idana dighora wada aighu ya Abrahamu aba odu wa kala kwa chia ya mumbi?

WAROMA 9:10

Hata si huwo koni kuekeri anduangi, ela wokoni Rebeka, iji orepatireghe kifu cha masa na mndwawomi umweri wawa odu Isaaka,

1 WAKORINTHO 8:6

ela kodu isi Mlungu ni umweri, uja Aba, Muumbi wa vilambo vose; nesi kwa wundu ghwake, dadakaia moyo; na Bwana umweri Jesu Kristo, kwa chia yake uo, vilambo vose vereumbiloghe; na kwa chia yake uo, isi dakaia moyo wori.

WAEFESO 4:25

Kwa huwu mkisigha tee, kula mundu ughorie mmbao loli; angu deko via diweni na diweni.

WAEFESO 4:6

Mlungu ni umweri, nao ni Aba odu isi diwose; uo uko aighu ya vose, ubonyagha kazi kwa vose, nao wadakaia andenyi ya vose.

1 WATHESALONIKE 4:6

mndungi usakemkita hata kumkosera mruna aighu ya maza iri, kwa kukaia Bwana wadalipia kisasi aighu ya maza iri rose; sa iji koni deremghorieghe imbiri na kumkania.

WAEBRANIA 12:9

Chiaimweri na agho isi derekoghe na weke aba wa ndoenyi, werekoghe wikidikania, nesi dikawineka ishima. Welee, ndeidifwane dikusere kuchumba kwa Aba wa roho redu dipate kukaia moyo anguwada?

JOSHUA 24:3

Niko ngamsaghua ndeyo Abrahamu kufuma kwa ijo isanga, ngamruwusa kimonu cha Moda ghwa Eufrate na kumghenja aghadi ya isanga jose ja Kanaani, na kumneka kivalwa kingi. Ngamneka Isaaka,