MAKATANISHO 6:17 - Biblia Ilagho Jiboie Kwa Wandu Wose

¹⁷ kuzighana kwa lukaso, kughora tee, kubwagha mundu usewadie ikosa;

MAKATANISHO 6:17 Խաչաձեւ Հղումներ

2 WAZURI 21:16

Aighu ya agho, Manase orebwaghieghe wandu wengi wisewadie makosa ghangi, hata chia ra Jerusalemu rikachulwa ni bagha ii chia na ii chia; kula na iro kaung'a, orewishekerieghe wandu wa Juda kungia kaung'enyi na kubonya mawiwi imbiri yapo.

2 WAZURI 24:4

na kwa wundu ghwa kubwagha wandu wa hachi. Kwa kukaia Manase orebwaghieghe wandu wa hachi wengi wa Jerusalemu, na BWANA nderekoghe tayari kumfuya wughoma.

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

ZABURI 101:5

Nichamtotesha mundu umdedagha mmbao kivisonyi. Sichaamrumaghia mundu ukudukie, uzighanagha kwa lung'eto.

ZABURI 131:1

BWANA sina ngolo ingi ekukasa, hata sizighanagha kwa kukujosa. Sikungiragha nimoni andenyi ya maza mbaa hata maza rikurie risenieliagha.

ZABURI 18:27

Oho kwadawikira wandu wikuserie, na kuwisera awo wikujosere.

ZABURI 31:18

Wandu wa tee ndewinyamiro; waawuyadeda lung'eto aighu ya wahachi kwa lubando na lumenyo.

ZABURI 5:6

BWANA, kwadawitotesha awo wighoragha tee; BWANA kwadazamilwa nandighi ni wabwaghi wandu, na wandu wa mikalo.

ZABURI 5:7

Ela ini, kwa wundu ghwa wungi ghwa lukundo lwako lukatie, nichangia Hekalunyi kwako. Nichatasa ngiilangaya Hekalu yako ya wueli, ngikuneka ishima.

MAKATANISHO 1:11

Wikakuzera, “Choo diendelaliria mndumu dim'bwaghe! Ndedimmbwadie dimkabe mundu usewadie ikosa jingi.

MAKATANISHO 1:16

Waawuyakimbia wibonye mawiwi; nawo waawuyashashira kudia bagha.

MAKATANISHO 12:22

BWANA wadazamilwa ni watee, ela wadaboilwa ni awo wiko waloli.

MAKATANISHO 14:5

Mshahidi wa loli ndetumiagha tee, ela mshahidi wa tee, wadaghora tee.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

MAKATANISHO 17:7

Madedo ghededwa kwa wuya ndeghimfwanagha mkelu; da madedo gha tee ghimfwana wada m'baa?

MAKATANISHO 21:4

Wandu wawiwi wadalongozwa ni lubando, na kukujosa, na iyo ni kaung'a.

MAKATANISHO 26:28

Mundu ukaliagha mmbao wadazamilwa ni uo; madedo ghiseko na wuloli, ghadanona.

MAKATANISHO 28:17

Mundu orebwaghieghe mmbao uchakaia mkimbii, ndekaie mkimbii hata kifwa chake; mndungi usemtesie.

MAKATANISHO 30:13

Weko wandu wikuwonagha weni kukaia ighu! Sena ni kukujosa kubaa uko!

MAKATANISHO 6:16

Gheko malagho mfungade huwu ghimzamiagha BWANA nandighi:

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 2:11

Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 3:16

BWANA ukaghamba, “Waka wa Jerusalemu wakukasa, wikighenda na singo righorokie, wikizighana na meso ghiko na bea, wikighenda wikukasire, na njugha rikideda maghunyi kwawo,

ISAYA 3:9

Kuzighana kwawo kwawishuhudia, wafunukua kaung'a rawo worinyi sa wandu wa Sodoma. Ni bugha kwawo, kwa kukaia wakuredia weni wuwiwi aighu yawo.

JEREMIA 26:15

Ela mmanye kwa loli mkanibwagha, mchakuredia aighu yenyu na aighu ya muzi ughu na wandu waro ikosa ja kubwagha mundu usewadie ikosa jingi. Kwa kukaia ni loli BWANA ooniduma konyu kughora agho malagho ghose mwaghisikira kwa madu ghenyu.”

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

WUKUMBUSO 19:10

Isechekaia wandu wisewadie ikosa kubwaghwa duu isangenyi kwako, ijo BWANA Mlungu onyu umnekagha jikaie ifwa jenyu; nenyo mtalo kukaia na ikosa jebwaghwa.

WUKUMBUSO 27:25

“‘Mundu ukatuwa uendebwagha mundu usene ikosa jingi, uwado ni njowe.’ Na wandu wose widikie, ‘Amen.’

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.