MAKATANISHO 6:12 - Biblia Ilagho Jiboie Kwa Wandu Wose

¹² Mundu wa kisha-kisha, wadaghenda ukideda madedo gha kisha.

MAKATANISHO 6:12 Խաչաձեւ Հղումներ

ZABURI 10:3

Mundu mmbiwi wadakukasa na bea ra ngolo yake, mundu wa choyo, wadamuewia na kumlegha BWANA.

ZABURI 10:7

Oochulwa ni kuewia, na mikalo, na kukoronga. Wadeda malagho ghenona na gha wuwiwi.

ZABURI 101:3

Sichaawika kindo chingi chiseelie imbiri kwapo. Nadazamilwa ni mabonyo gha wandu wimsighagha Mlungu; sikunde wungara ghungi nawo.

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

ZABURI 59:7

Sikira seji widukanagha, na kuzaruma, chumi rawo reeka sa chufu memunyi kwawo; ela sena wiaghesha mndungi ndewuewisikira.

MAKATANISHO 10:32

Mundu wa hachi waichi madedo gherumirilwa, ela mundu mmbiwi wadadeda malagho ghevavira.

MAKATANISHO 11:6

Wandu wecha wadakirwa ni wucha ghwawo, ela wandu wa mikalo wadabonywa wazumba ni bea rawo.

MAKATANISHO 16:27

Mundu wa kisha wadabonya njama mbiwi; madedo ghake ni sa modo ghukoragha.

MAKATANISHO 16:30

Mundu okunyiria na meso, wadabonya mipango elaghasha, uo umaziriagha lumi lwake wadabonya mawiwi ghisie.

MAKATANISHO 17:4

M'bonyi mawiwi wadasikiria madedo ghizamie, na mtee wadasikiria tee.

MAKATANISHO 2:12

Hikima ichakulindia kusebonye mawiwi, na kukuwika kula na wandu widedagha kisha.

MAKATANISHO 3:32

BWANA wadazamilwa ni mundu uleghie chia rake, ela wadawirumiria wandu wecha.

MAKATANISHO 4:24

Kusedede madedo ghangi ghiseboie; kukuwike kula na madedo gha tee.

MAKATANISHO 6:14

na kubonya njama izamie kwa ngolo mbiwi; ukibonya sheshe tuli tuli.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

JEREMIA 24:2

Kikapu chimu cherekoghe na tini riboie nandighi, sa tini ra imbiri razoya kuwurwa, ela chija kikapu chimu cherekoghe na tini rizamie nandighi, rizamie hata isedimikagha rijike.

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MABONYO GHA WADUMI 20:30

na wandu wamu wichawuka aghadi konyu mmbeni wighoragha tee, wipate kuwilaghasha awo wanughi wiwonewinugha.

1 TIMOTHEO 5:13

Chiaimweri na agho, wakufundisha kukaia waghadi wikilunguwa nyumba kwa nyumba; hata si uko kughada kuekeri anduangi, ela wadeda wandu na kukungira andenyi ya maza ra wandu wazima; wikija malagho ghisefwane.

JAKOBO 1:21

Kwa huwu injenyi na mbai wuchafu ghose na wuwiwi ghwa kula mbari, nenyo mjiwuse ilagho jiwalo andenyi konyu kwa wumboa, ijo jidimagha kukira roho renyu.

JAKOBO 3:6

Na lumi ni modo. Ni wurumwengu ghwa mawiwi ghuko aghadi ya via vedu; lwadaghulusha mumbi ghose, na kushekeria kuumbwa kose kuake modo kwa ndighi ya modo ghwa jehanamu.

1 SAMUELI 17:28

Nao Eliabu, uja mruna m'baa wa Daudi, ukamsikira Daudi ukidedanya na wandu, nao ukajokwa ni machu aighu ya Daudi, ukamzera, “Kwaseabonyaki aha? Rija ng'ondi ndinieri kwarisighanya nani kireti? Nakuichi seji kukudukie na seji kuzamilo ni ngolo; kwa kukaia kwaaredwa tu ni kuchawona wuda.”