MAKATANISHO 30:5 - Biblia Ilagho Jiboie Kwa Wandu Wose

⁵ “Mlungu wadakatisha kula ilaghiro jake. Uo ni ngao kwa wose wikusaghikagha kwake.

MAKATANISHO 30:5 Խաչաձեւ Հղումներ

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

2 SAMUELI 22:31

U Mlungu, chia rake reeka rikatie, malaghiro gha BWANA ghawonyera kukaia gha loli. Uo ni sa ngao kwa wose wikimbiriagha wulindiri ghwake.

ZABURI 119:140

Ilaghiro jako jarumirikie putu, na ini mdumiki wako najikunde.

ZABURI 12:6

Malaghiro gha BWANA ni gha loli, gheeka sa feza ieleshero kwa modo mando mfungade.

ZABURI 144:2

Uo ni mlindiri na mdederii wapo; ni ngome na mkiri wapo; nadamrumiria kwa wubanana ghwapo. Wadariwika mbari zima aisi yapo.

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 18:30

Uhu Mlungu, chia yake ni ya loli putu, malaghiro ghake gheko na wuloli; uo wadawilindia wose wikusaghikagha kwake.

ZABURI 18:31

Nani uko Mlungu useeka ni BWANA? Na nani uko mlindiri useeka ni Mlungu odu?

ZABURI 19:8

Sharia ra BWANA ni ra hachi, riboisagha ngolo; memu ya BWANA yaelie, iredagha kutambukilwa.

ZABURI 3:3

Ela oho ko ngao enilindia ee BWANA, ni oho kunisimiagha, na kunikumba ngolo.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 91:2

uchamzera BWANA, “Oho ko Mtesia na Mlindiri wapo, ko Mlungu wapo nikurumiriagha.”

MAKATANISHO 2:7

Nuo uwikagha hikima kwa wundu ghwa wahachi; wadawilindia wandu wisewadie ikosa.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

WAROMA 7:12

Kwa huwu, Sharia cheni yaelie, na ghuja momu ghwaelie; nagho ni ghwa hachi sena ghwaboie.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.