MAKATANISHO 28:12 - Biblia Ilagho Jiboie Kwa Wandu Wose

¹² Mundu wa hachi ukasima, wandu wadazuma; ela mundu uzamie ukabonya nguma wandu wake wadakuvisa.

MAKATANISHO 28:12 Խաչաձեւ Հղումներ

MAKATANISHO 29:2

Wandu wa hachi wikakabonya nguma wandu wadazuma; ela wandu wizamie wikakabonya nguma wandu wadakaia na wasi.

MAKATANISHO 11:10

Wahachi wikapata mecha muzi ghwadakaia na kuboilwa; wawiwi wikatota wandu wadazuma.

MAKATANISHO 28:28

Wandu wizamie wikakabonya nguma, wandu wadakuvisa, ela wikatota, wandu wa hachi wichabonya nguma.

JEREMIA 36:26

Nao mzuri ukafunya momu kwa mwana wake Jerahimeeli, na Seraia mwana wa Azrieli, na Shelemia, mwana wa Abdeeli, winiwade chiaimweri na uja muandiki Baruku, ela BWANA ukadivisa.

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

MCHILI 10:16

Ni bugha kwa isanga jiko na mzuri uko mwana, na wabaa waro wibonyeghee karamu kio chee?

2 MALAGHO GHA NGELO 7:10

Ituku ja mirongo iwi na idadu ja mori ghwa mfungade, Solomoni ukawisigha wandu wighale wiko na kuboilwa kwa wundu ghwa wucha ghwa BWANA orekoghe waghuwonyera kwa Daudi, na kwa Solomoni na kwa wandu wake Israeli.

1 WAZURI 19:3

Elija ukaobua, ukakimbia kujikira irangi jake; ukaghendanya na mdumiki wake hata Beer-sheba aho Juda ukamsigha aho.

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

1 SAMUELI 24:11

Wona nga aba, kidambi cha nguwo yako hechi! Kuwone loli seji neredimagha kukubwagha, ela ngadumbua tu kidambi cha nguwo yako, eri kuwonemanya kukaia sina ilagho jingi na oho, hata nia ingi ekubonya kiwiwi. Ini sibonyere kaung'a ingi hata ngera oho kwawuyanidiwa kupate kunifunya irangi.

JEREMIA 36:19

Wabaa wikamzera Baruku, “Ghendenyi mkuvise mmbose na Jeremia, mndungi usemanye andu muko.”