MAKATANISHO 23:5 - Biblia Ilagho Jiboie Kwa Wandu Wose

⁵ Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MAKATANISHO 23:5 Խաչաձեւ Հղումներ

KUZOYA 42:36

Ndee ukawizera, “Mwaniredia wasi kwa wundu ghwa wana wapo; Josefu ndeuko, Simeoni wokoni ndeuko, na idana mwakunda na Benjamini wori; ni malaghoki agha ghawuyanipata?”

AYUBU 27:19

Uchalala uko mzuri wa mali, ela ndewuyaabonya huwo sena; angu iji wawuka, uchakua mali rake riseko.

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

MAKATANISHO 27:24

angu mali nderiduagha. Wokoni mbari ra wandu nderiduagha matuku ghose anduangi.

MCHILI 1:2

Mchili waghamba, Ni duu! Ni duu! Maza rose ni duu.

MCHILI 12:8

Ni maza ra duu, waghamba Mchili; maza rose ni duu.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

JEREMIA 39:12

“Wada Jeremia kumlindie nicha, kusem'bonye ilagho jingi, ela kum'bonyere seji ukuzeragha.”

MATHAYO 6:19

“Msakekuwikia mali aha ndoenyi, andu soya na ngama rinonagha, na andu vitoi vibaragha na kuiwa;

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

1 JOHANE 2:16

Angu iro maza rose riko wurumwengunyi, bea ra mumbi, bea ra meso, na kukujosa kwa irangi, ndevifumagha kwa uja Aba anduangi, ela vadafuma wurumwengunyi.