MAKATANISHO 19:23 - Biblia Ilagho Jiboie Kwa Wandu Wose

²³ Kuobua kwa BWANA ni irangi; uo uko nako uchakatwa, hata ndechaapatwa ni kiwiwi chingi anduangi.

MAKATANISHO 19:23 Խաչաձեւ Հղումներ

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ZABURI 19:9

Kuobua kwa BWANA kwaboie, kwadua kwa kala na kala; malaghiro gha BWANA ni gha loli, nagho ni gha hachi putu.

ZABURI 25:13

Uo moni uchadua nicha, na wana wake wichapata isanga.

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

ZABURI 90:14

Kudichure lukundo lwako lukatie kula nakesho, eri dipate kuboilwa na kuzuma matuku ghedu ghose.

ZABURI 91:10

kiwiwi chingi ndechichaakupata; hata saka ingi ndeichaakuchea hemenyi kwako anduangi.

ZABURI 91:16

Nichawinosa kukaia moyo luma, na kuwikira.”

MAKATANISHO 10:27

Kuobua kwa BWANA kwadachuria matuku; matuku gha mmbiwi ni matini.

MAKATANISHO 11:19

Mundu uduagha ukibonya hachi uchakaia moyo, ela uo unughagha wawiwi uchafwa.

MAKATANISHO 12:21

Wahachi ndewipatwagha ni ilagho jingi iwiwi, ela wawiwi wadachulwa ni wasi.

MAKATANISHO 19:22

Ijo jikundikie kwa mdamu ni wuloli, mkiwa wachumba mtee.

MAKATANISHO 22:4

Kukusera na kuobua kwa BWANA kwadareda mali, ishima na irangi.

MAKATANISHO 3:24

Kukaghenda wulinyi ndekuchaaobua, na iji kwalala kuchapata dilo risingie.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

2 TIMOTHEO 4:18

Bwana uchanivuvua kufuma kwa kula kiwiwi, na kunikira kwa wundu ghwa Wuzuri ghwake ghwa mlungunyi. Kwake uo, ndeghukaie wubaa kwa kala na kala. Amen.