MAKATANISHO 19:11 - Biblia Ilagho Jiboie Kwa Wandu Wose

¹¹ Kukaia na akili kwadam'bonya mundu umazirie machu ghake, nao wadaboilwa ni kulekia makosa.

MAKATANISHO 19:11 Խաչաձեւ Հղումներ

2 WAZURI 5:12

Kwani meda ya mzedu Abana na Farpari, iyo iko Dameshki, ndeiboie kuchumba machi ghiko Israeli? Huwo sadimagha kukuoghosha aho na kueleshwa?” Ukaghaluka na kughenda kwa machu.

MAKATANISHO 11:13

Mundu osongoda-songoda ndelindiagha malagho, ela mundu uelelo, wadanyamia malagho.

MAKATANISHO 12:16

Mkelu ukajokwa ni machu, wadakuwonyera moni shwa wori, ela mundu uko na suku wadaghinyamia madukano kima.

MAKATANISHO 14:29

Mundu uko wa mboa kubonya machu oochulwa ni kumanya, ela mundu obonya machu shwa-shwa, uawonyera wukelu ghwake.

MAKATANISHO 15:18

Mundu wa machu wadawusira nganyi, ela mundu wa mboa wadahoresha nganyi.

MAKATANISHO 16:32

Mundu usejokwagha ni machu shwa-shwa, waboie kuchumba ing'oni ja wuda; uo ukumaziriagha moni, wachumba, uo uwadagha muzi wudenyi.

MAKATANISHO 17:14

Kuzoya nganyi kooka sa kuvungua machi, kwa huwo sigha malagho imbiri marashano ghisezoye.

MAKATANISHO 20:22

Kusakelipia ikosa kwabonyerwa; weseria BWANA uchakutesia.

MAKATANISHO 20:3

Mundu ukainjikia nganyi, uchakaia na ishima; ela kula mkelu uchakaia ukirashana.

MAKATANISHO 25:21

Ngera m'maiza wako wazughwa, mneke vindo; na ngera waoma, mneke machi ghenywa;

MAKATANISHO 29:11

Mkelu wadawonyera machu ghake worinyi; ela mundu wa hikima wadakuvisa.

WAEFESO 4:32

nenyo m'bonyerane nicha mmbeni na mmbeni. Mkaie na ngolo ya kinyoshi, mkifuyana wughoma mmbeni na mmbeni; sa iji koni Mlungu oremfueghe wughoma andenyi ya Kristo.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;