MAKATANISHO 18:21 - Biblia Ilagho Jiboie Kwa Wandu Wose

²¹ Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

MAKATANISHO 18:21 Խաչաձեւ Հղումներ

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

MAKATANISHO 10:31

Mundu wa hachi wadadeda malagho gha hikima, ela lumi lodeda malagho ghizamie luchanyamirishwa.

MAKATANISHO 11:30

Mabonyo gha mhachi ghadareda irangi; kulegha sharia kwadareda kifwa.

MAKATANISHO 12:13

Mundu mmbiwi wadawadwa ni madedo ghake moni, ela mundu wa hachi wadafuma andenyi ya ugho wasi.

MAKATANISHO 21:23

Mundu umaziriagha lumi lwake na momu ghwake uchakutanya na malagho.

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

ISAYA 57:19

nichawibonya awo werekoghe wikilila wichulo ni makaso andenyi ya Israeli. Sere, sere kwa uo uko kula na uo uko kaavui, ini BWANA naghamba, nani nichamkira.

HOSEA 10:13

Ela wulalo ghwaro moowa wuwiwi mkaaghukuwida; mooja matunda gha tee renyu. “Moowika irumirio jenyu kwa magare ghenyu na masikari ghenyu.

2 WAKORINTHO 11:15

Kwa huwo si ilagho jingi ja kighenyi, ikakaia wadumiki wake wori wakubonya kukaia wadumiki wa hachi. Kutua kwawo kuchafwanana na mabonyo ghawo.

2 WAKORINTHO 2:16

Kwa wamu ni marumba mecha kufuma kifwa kuchivikia kifwa, na kwa wazima ni marumba mecha kufuma irangi kujivikia irangi. Elaima nani udimagha maza iri?

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

2 PETRO 2:18

Angu, wikideda madedo gha kukukasa gha wukelu, wawiruda kwa bea rawo ra wulaki wandu wimerie kufufunuka kafwani kufuma kwa awo wikaiagha makosenyi.