MAKATANISHO 16:32 - Biblia Ilagho Jiboie Kwa Wandu Wose

³² Mundu usejokwagha ni machu shwa-shwa, waboie kuchumba ing'oni ja wuda; uo ukumaziriagha moni, wachumba, uo uwadagha muzi wudenyi.

MAKATANISHO 16:32 Խաչաձեւ Հղումներ

2 WAZURI 5:12

Kwani meda ya mzedu Abana na Farpari, iyo iko Dameshki, ndeiboie kuchumba machi ghiko Israeli? Huwo sadimagha kukuoghosha aho na kueleshwa?” Ukaghaluka na kughenda kwa machu.

ZABURI 103:8

BWANA ni wa wughoma na wa mvono; ndejokwagha ni machu shwa-shwa, nao wachua lukundo lukatie.

MAKATANISHO 14:29

Mundu uko wa mboa kubonya machu oochulwa ni kumanya, ela mundu obonya machu shwa-shwa, uawonyera wukelu ghwake.

MAKATANISHO 15:18

Mundu wa machu wadawusira nganyi, ela mundu wa mboa wadahoresha nganyi.

MAKATANISHO 16:19

Baa kukaia na roho ekusera chiaimweri na wakiwa, kuchumba kuwagha vilambo vidwalo wunyika chiaimweri na wandu wikukasagha.

MAKATANISHO 16:31

Chongo chielie imbu, ni kirumbu cha wubaa; chadapatwa kwa kukaia na irangi ja hachi.

MAKATANISHO 16:33

Wandu wadakaba kura, emanya lukundo lwa Mlungu, ela BWANA nuo ufunyagha matumbulio.

MAKATANISHO 19:11

Kukaia na akili kwadam'bonya mundu umazirie machu ghake, nao wadaboilwa ni kulekia makosa.

MAKATANISHO 25:15

M'bonyi nguma wadima kushingirwa malagho kwa irumaghio, na madedo ghiboie ghadima kuboisa malagho ghikurie.

MAKATANISHO 25:28

Mundu usedimagha kukumazira moni, ni sa muzi ghusena wurigha.

MCHILI 7:8

Kutua kwa maza kwaboie kuchumba kuzoya kwaro; irumaghio jaboie kuchumba kukujosa.

MCHILI 7:9

Kukajokwa ni machu kukumazire; wakelu niwo wikaiagha na machu.

WAROMA 12:21

Msesimo ni kiwiwi ela mchisime kiwiwi kwa wucha.

WAEFESO 5:1

Kwa huwu mkaie mfwanane na Mlungu, sa wana wikundo.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.