MAKATANISHO 16:31 - Biblia Ilagho Jiboie Kwa Wandu Wose

³¹ Chongo chielie imbu, ni kirumbu cha wubaa; chadapatwa kwa kukaia na irangi ja hachi.

MAKATANISHO 16:31 Խաչաձեւ Հղումներ

AYUBU 41:32

Wadasigha chia ing'alaa-ng'ala nanyuma, na kubonya ifuo ja chokwa baharinyi.

MAKATANISHO 16:30

Mundu okunyiria na meso, wadabonya mipango elaghasha, uo umaziriagha lumi lwake wadabonya mawiwi ghisie.

MAKATANISHO 16:32

Mundu usejokwagha ni machu shwa-shwa, waboie kuchumba ing'oni ja wuda; uo ukumaziriagha moni, wachumba, uo uwadagha muzi wudenyi.

MAKATANISHO 17:6

Waghosi wadakukasa na weke wawae, seji wavi wikukasagha na wana wawo.

MAKATANISHO 20:29

Wandu wa irika wadakukasa na ndighi rawo, ela kughoka kwa waghosi ni imbu rawo.

MCHILI 12:5

Kuchaobua andu kwa ighu, na kughenda kuchakaia ndengwa, Kuchabukwa ni imbu kusedimagha kughenda, na bea rose richasia. Wandu wichaghenda andu kwawo kohoresha kwa kutua, na wandu wichakaia wikilila chienyi.

MCHILI 4:13

Baa mkiwa wa irika uko na hikima, kuchumba mzuri mghosi ukelie usedimagha kuwada njama,

WALAWI 19:32

“Kummbukie kimusi mghosi uko na imbu kwa kumneka ishima, kumuobuo Mlungu wako; ini ne BWANA.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

FILEMONI 1:9

elaima kwa wundu ghwa lukundo, nawona nibonye ilombi kwako. Ini Paulo, mdumwa wa Kristo Jesu, na idana ne mfungwa kwa wundu ghwake,