MAKATANISHO 16:19 - Biblia Ilagho Jiboie Kwa Wandu Wose

¹⁹ Baa kukaia na roho ekusera chiaimweri na wakiwa, kuchumba kuwagha vilambo vidwalo wunyika chiaimweri na wandu wikukasagha.

MAKATANISHO 16:19 Խաչաձեւ Հղումներ

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

ZABURI 34:18

BWANA wadakaia kaavui na wandu wifue ngolo, na kuwikira awo wisewadie isuwirio.

KUFUMA 15:9

M'maiza ukaghamba, ‘Nichawinugha niwiwade; nichawaghanya mali rawo, na kwa iro nichakatisha bea yapo. Nichakua lufu lwapo, na kuwitotesha kwa mkonu ghwapo.’

MAKATANISHO 1:13

Dichapata vilambo vose va zoghori mbaa, na kuchura nyumba redu navo.

MAKATANISHO 1:14

Nndoko dighendanye; icho dichaaiwa, dichawagha diwose.”

MAKATANISHO 25:7

Ni nicha kuzerwa choo naighu aha, kuchumba kuzerwa baria m'baa.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

MAKATANISHO 3:34

Wadawimenya awo wimmenyagha, na kuwineka mvono awo wikuseragha.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 9:3

Oho kwamerie kuichuria iyo mbari ya wandu, na kuchuria kuboilwa kwawo, wawuyaboilwa imbiri kwako seji wakuwidi viro wiboilwagha; seji wandu wiboilwagha wikiwagha vilambo viwadilo wunyika.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

WATANYI 5:30

‘Kewada ndawadawagha mali waiwada; mwai umweri angu wawi kwa mundu umweri, nguwo ra rangi riwadilo kwa wundu ghwa Sisera, nguwo ra rangi ritolelo riwadilo, vipande viwi va nguwo ra rangi vitolelo, viwadilo kwa wundu ghwa singo ya malkia?’