MAKATANISHO 15:27 - Biblia Ilagho Jiboie Kwa Wandu Wose

²⁷ Mundu ushamagha kuseko na hachi, wadairedia nyumba yake wasi; uo uzamilwagha ni hongo uchakaia moyo.

MAKATANISHO 15:27 Խաչաձեւ Հղումներ

1 WAZURI 2:40

ukawuka na kuala punda wake, ukaghenda cha Gathi kwa Akishi kuwilola wazumba wake. Ukawikua aho na kuwireda kufuma Gathi.

2 WAZURI 5:27

Ola sima ya Naamani ichakuwada oho na kivalwa chako kwa kala na kala.” Nao Gehazi ukafuma imbiri ya Elisha wameria kuwadwa ni sima ielie sa thaluji.

ZABURI 15:5

Uo wadakopesha kuseko fwaida; hata ndetuwagha umzighirie mundu usewadie ikosa. Mundu ubonyagha maza iri, najingi ndechaanyavurika.

KUFUMA 18:21

Sena aighu ya agho, kusaghuo wandu wiko na kudima, wimuobuagha Mlungu, wandu wirumirikie wisekunde kuhongwa; nao kuwiwike wikaie vilongozi va wandu. Wamu wikaie wezighana wandu wa maelfu, wamu wezighana wa maghana na wamu mirongo misanu, na wazima wa makumi.

KUFUMA 23:8

Kuserumirie kuhongwa; angu kuhongwa kwadabwagha meso, mundu usewone agho ghiko gha hachi, upate kulaghasha hachi ya mundu uko mloli.

MAKATANISHO 1:19

Huwo niko wandu wikaiagha wose, awo wikundagha kupata mali kwa kutumia ndighi; awo winughagha iro chia, wadakubwagha weni.

MAKATANISHO 11:19

Mundu uduagha ukibonya hachi uchakaia moyo, ela uo unughagha wawiwi uchafwa.

MAKATANISHO 11:29

Uo usumbuagha wandu wa nyumba yake, ndechaapata kindo chingi; mkelu uchakaia mdumiki wa mundu wa hikima.

MAKATANISHO 15:26

Maghesho gha mundu mmbiwi ghadamzamia BWANA, ela wadaboilwa ni malagho gha mundu uelie.

MAKATANISHO 20:21

Mali ripatikie kwa shwa-shwa, nderichaakaia na irasimio jingi kutuonyi.

MAKATANISHO 23:4

Kukaie na hikima; kusekubwaghe na kazi wei kualola mali.

MAKATANISHO 28:16

M'bonyi nguma usetambukilwagha ni maza, ni mkinyanya mkorongi; ela uhu uzamilwagha ni kushama kusene hachi, uchabonya nguma kwa matuku mengi.

MAKATANISHO 28:25

Mundu wa lwafuo wadawusira nganyi ela uo ukusaghikagha na BWANA uchapata mecha.

MAKATANISHO 29:4

Mzuri ukakaia na loli, isanga jikaia nicha, ela uhu ukundagha kuhongwa wadajinona isanga.

JEREMIA 17:11

Mundu upatagha mali kwa chia iseko ya hachi, oofwanana na ngwale ilaliagha maghi ghiseko ghake. Mali iro richatana nao ghadi na ghadi ya matuku, na kutua kwake uchakaia karakara na ikelu.

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

WUKUMBUSO 7:26

Mserede ghungi ghwa iyo milimu mizinyi konyu, mchewadwa ni njowe yawo; muimenye putu angu iwasirilo njowe ni Mlungu.

1 TIMOTHEO 6:10

Angu kuzoya kwa mawiwi ghose ni kuja kukunda mali; na kwa chia ya bea nyingi wandu wamu walaghaya na kujisigha ijo irumirio, nawo wavavira ngolo rawo kwa luwawo lubaa.

1 TIMOTHEO 6:9

Na wandu wikunde kukaia na mali, waghwa na kungia matimonyi; wangia mdeghonyi, na andenyi ya bea nyingi ra ndengwa risewadie akili, iro riwinonagha, na kuwitotesha wandu.

JOSHUA 6:18

Ela inyo, mkulindie msewuse vilambo vifunyiro vipate kunonwa. Isechekaia nyuma ya inyo kuvifunya vinono, kuvishoa sena na kuishekeria kambi ya Waisraeli inono, na kuiredia wasi.

1 SAMUELI 12:3

Shuhudienyi idana aighu yapo imbiri ya BWANA na imbiri ya mzuri umsaghue. Ni ng'ombe yani niiwusire? Angu nawusire punda wani? Nani nimsokie kindo chingi angu kumkoronga? Nani unihongie ukanibwagha meso? Shuhudienyi aighu yapo, na ini nichammbunjira.”