MAKATANISHO 14:32 - Biblia Ilagho Jiboie Kwa Wandu Wose

³² Mmbiwi wadanonwa ni agho mawiwi ughibonyere, ela mundu wa hachi wadalindilwa ni wucha ghwake.

MAKATANISHO 14:32 Խաչաձեւ Հղումներ

KUZOYA 49:18

“Ini nichakuweseria kukia kwako ee BWANA.

AYUBU 13:15

Hata Mlungu ukanibwagha, nichadua ngimsuwiria; elaima nichakudederia ini moni imbiri kwake.

AYUBU 18:18

Wafunywa mwengerenyi, na kungirwa kirenyi; wawingwa noko kula kufuma wurumwengunyi.

ZABURI 16:11

Oho kwadaniwonyera chia ya irangi, andu kuko oho kwachua maboilo; na aisi ya mkonu ghwako ghwa kudima, koko mecha gha kala na kala.

ZABURI 17:15

Ela ini nichakaia na hachi eghuzighana wushu ghwako; na iji nawuka, nichakatwa ni kukuwona oho.

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

ZABURI 58:9

Seji nyungu risedimagha kuwadwa ni modo ghwa minjwa, ikaiagha mmbishi angu iomie, ni huwo koni wawiwi wichaainjwa shwa.

ZABURI 73:24

Kwawuyanighenja kwa njama yako; konyuma kuchaniwusa kwa wubaa.

MAKATANISHO 11:5

Wuloli ghwa mundu ghwadamghenja nicha, ela mundu mmbiwi wadaghushwa ni wuwiwi ghwake.

MAKATANISHO 14:33

Mundu uko na suku oochulwa ni hikima chia rose; wakelu ndewimanyagha hikima anduangi.

MAKATANISHO 24:16

angu mundu wa hachi wadaaghwa mando mfungade na kuwuka sena, ela wawiwi wadatota kwa kupatwa ni ndengwa.

MAKATANISHO 5:22

Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

MAKATANISHO 6:15

Kwa wundu ugho, uchachelwa ni ndengwa shwa wori, nao uchashoghonoka isedimikagha uboo.

LUKA 2:29

“Idana Bwana msighe mzumba wako ughende kwa sere, kunughana na ijo Ilagho jako;

JOHANE 8:21

Nao Jesu ukawizera sena, “Nichaghenda noko nenyo mchanilola, ela mchafwa kaung'enyi konyu. Andu nighendagha, inyo ndemdimagha kucha anduangi.”

JOHANE 8:24

Huwo niko namzera angu mchafwa kaung'enyi konyu. Nenyo mchafwa kaung'enyi konyu ngera mserumiriagha angu ‘Ini Nuo Moni.’”

WAROMA 9:22

Ni huwo koni ikaie kwa Mlungu. Odekunda kuwonyera machu ghake, na kubonya ndighi rake rimanyike. Ela orekoghe na irumaghio ibaa, ukirumaghianya na waja werewikiloghe kwa wundu ghwa machu ghake; awo weretanyiroghe wipate kutoteshwa.

2 WAKORINTHO 1:9

Na loli dedeeka sa wandu dimerie kutanywa dibwagho. Ela ijo jedeeka jidibonye disakekurumiria isi diweni, ela dimrumirie Mlungu, uo urukishagha wafu;

2 WAKORINTHO 5:8

Nesi deko na ngolo mbaa, dikiwona angu kufuma mumbinyi na kughenda cha kedu kwa Bwana, ni nicha kuchumba.

WAFILIPI 1:21

Angu kwapo ini kukaia moyo ni Kristo, na kufwa ni fwaida.

WAFILIPI 1:23

Naawuyasumbulwa ni maghesho awi-awi; nakunde niende kukanya na Kristo, angu ijo jachumbie ghose;

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

2 TIMOTHEO 4:18

Bwana uchanivuvua kufuma kwa kula kiwiwi, na kunikira kwa wundu ghwa Wuzuri ghwake ghwa mlungunyi. Kwake uo, ndeghukaie wubaa kwa kala na kala. Amen.

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”