MAKATANISHO 14:21 - Biblia Ilagho Jiboie Kwa Wandu Wose

²¹ Uo ummenyagha mmbao, ni mkaung'a, ela uo ummboniagha mkiwa wughoma, uchaboilwa.

MAKATANISHO 14:21 Խաչաձեւ Հղումներ

MAKATANISHO 28:27

Uo uwinekagha wakiwa, ndechaasowa kindo chingi; ela uo usemzighanagha mkiwa, uchawasirwa njowe ni wandu wengi.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 11:12

Mundu ummenyagha mmbao, oosowa akili, ela mundu uelelo wadanyama kima.

MAKATANISHO 17:5

Mundu umsekagha mkiwa, wadamdukana Muumbi wake; uhu uboilwagha ni mundu wapatwa ni ndengwa, ndechaakaia usepatire ikabo.

MAKATANISHO 14:31

Mundu umkorongagha mkiwa, uamdukana Muumbi wake, ela uhu ummboniagha wughoma, wadam'bonyera Mlungu ishima.

WAEBRANIA 6:12

Msekaie waghadi, ela mkufwananishe na awo wichaajipata ifwa ijo ilaghiro, kwa chia ya irumirio na irumaghio.

MABONYO GHA WADUMI 20:35

Neremmbonyereghe kwa maza rose, seji kwa kubonya huwo idifwane diwitesie awo wisewadie ndighi; dikikumbuka malagho gha Bwana Jesu seji oreghambieghe, ‘Kuneka wandu koko na irasimio nandighi kuchumba kunekwa ni wandu.’”

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

MAKATANISHO 18:3

Wuwiwi ghukakaia, na lumenyo loko aeni; kusowa ishima kukakaia, na kufushwa waya koko aeni.

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

ZABURI 112:5

Warasimilwa mundu wa ishima ukopeshagha, na kubonya biashara yake kwa wuloli.

ZABURI 22:24

Kwa kukaia ndemenyere angu kuzamilwa ni makorongo gha uo ukorongagha; ndereleghieghe kumzighana, ela iji oremlilieghe, ukamsikira.

LUKA 18:9

Jesu ukaghora mfwano ughu wori, kwa wandu werekurumirieghe weni kukaia wahachi na kuwimenya wambao.

MAKATANISHO 21:10

Mundu mmbiwi wadakunda wuwiwi; ndena wughoma na mmbao.

MAKATANISHO 28:8

Mundu uchuriagha mali rake kwa kuvara fwaida, uamtumbanyira mundu uko na wughoma na wakiwa.

WUKUMBUSO 15:9

Kulindie kusekaie na maghesho gheleghamtesia angu mwaka ghwa mfungade gholekia sile ghuko kaavui, ukamlilia BWANA kwa wundu ghwako, ichakaia ni kaung'a kwako.

MAKATANISHO 22:9

Mundu uko na ishima ucharasimilwa, angu uwaghiagha wakiwa vindo vake.