MAKATANISHO 14:10 - Biblia Ilagho Jiboie Kwa Wandu Wose

¹⁰ Mundu wadamanya luwawo lwake moni; hata kuboilwa kwake ndewaghanagha na mndungi.

MAKATANISHO 14:10 Խաչաձեւ Հղումներ

KUZOYA 42:21

Nao wikazerana weni na weni, “Kwa loli dakosere kwa agha dim'bonyere mwanidu; derewonieghe ngolo yake yakaia na wasi, ukidivoya na ndighi, ela dikalegha kusikira. Kwa huwu niko dawuyapatwa ni ughu wasi.”

2 WAZURI 4:27

Hata iji wavika mghondinyi andu Elisha orekoghe, ukaghoghoma andonyi na kuwada maghu ghake Elisha. Ela Gehazi ukacha umuinje noko. Elisha ukaghamba, “Msighe! Oko na kuwawa kubaa, na BWANA wanivisa nisemanye sababu yaro.”

AYUBU 10:1

“Nakoja kukaia moyo, nichaghora malalamiko ghapo kuseko kighirio, nichaghighora ngikaia na wasi ngolonyi.

AYUBU 21:25

Mndumu uafwa uko na kuwawa ngolonyi; jingi usewonie wucha ghungi.

AYUBU 7:11

“Kwa huwo sichaanyama kima; nichadeda ngikaia na kuvavirika kubaa rohonyi kwapo; nichalalamika ngikaia na kuwawa ngolonyi kwapo.

AYUBU 9:18

Ndewuenisighia wulalo ghosoda, ela waawuyanichuria luwawo.

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

MAKATANISHO 15:13

Ngolo ikaboilwa na wushu ghuaela; kujighwa ni ngolo kwadareda wasi.

MAKATANISHO 18:14

Roho ya mundu yarumaghiagha wukongo, ela ukafwa ngolo, isuwirio jingi ndejiko.

EZEKIELI 3:14

Roho wa Mlungu ukaniwusira na kunidwa noko, ngaghenda naturukia na kusumbuka rohonyi kwapo, ngisikira wulemeri ghwa ndighi ra BWANA.

JOHANE 12:27

“Idana ngolo yapo yaja wasi. Nighora wada? Niaghora, ‘Aba kunikire na ihi ngelo?’ Ii hata, nedecha kwa wundu ghwa ihi ngelo.

JOHANE 14:18

“Sichaamsigha wakiwa anduangi, ela nichacha konyu.

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

WAFILIPI 4:7

Na sere ya Mlungu ichumbagha kutambua kose, ichamlindia ngolo renyu na nia renyu andenyi ya Kristo Jesu.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

1 SAMUELI 1:10

Hana orekoghe ukiwawa nandighi, ukalomba kwa BWANA ukilila na luwawo lubaa.

1 SAMUELI 1:15

Ela Hana ukatumbulia, “Ii hata bwana wapo, ini ne muka niko na wasi m'baa; sinyue divei hata chofi anduangi, ela nedeeka ngimneka BWANA wasi ghwa ngolo yapo.