Mundu uo ooka sa mudi ghuwalo mbai na mbai ya meda, ghuvagha matunda gharo kwa kimu charo na malemba gharo ndeghiomagha. Wadawona nicha kwa maza rose ubonyagha.
Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.
Uchakaia karakara na mudi ghuwalo mbai na mbai ya moda, na kughenja miri yaro cha machinyi; ndeghukaiagha na wowa ghungi ngelo ya mruke, kwa kukaia malemba gharo ghichadua mawishi, hata ndeghusumbukagha ngelo ya kimu cha kwalazi; kwa kukaia mudi ghwaro ndeghusighagha kuva matunda.”
Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.