MAKATANISHO 1:28 - Biblia Ilagho Jiboie Kwa Wandu Wose

²⁸ Niko mchaniwanga ini Hikima, ela sichaadika; mchanilola nandighi, ela ndemchaaniwona.

MAKATANISHO 1:28 Խաչաձեւ Հղումներ

KUZOYA 6:3

BWANA ukaghamba, “Roho yapo ndeichaaduanya na mdamu kwa kala, angu uo si odua, kwa huwo miaka yake ichakaia ighana na mirongo iwi.”

AYUBU 27:9

Welee, Mlungu wadima kusikira kililo chake, ingelo wapatwa ni wasi?

AYUBU 35:12

Wadakema, ela Mlungu ndetumbuliagha; kwa kukaia ni wandu wawiwi wikukasire.

ZABURI 18:41

Werekemieghe wikilola wutesia, ela ndekorekoghe na mndungi okira anduangi; wikamlilia BWANA, ela nderewitumbulieghe anduangi.

ZABURI 18:42

Ngawifasha-fasha wikawuya sa teri idukwaghwa ni mbeo; ngawikumba noko sa mazozo gha chienyi.

ZABURI 66:18

Ngera nedeghesha kiwiwi chingi ngolonyi, BWANA nderenisikiragha anduangi.

MAKATANISHO 15:29

BWANA wadakaia kula na wandu wawiwi, ela wadasikira ilombi ja mhachi.

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

LUMBO 5:6

Ngamrughuya mkundwa wapo mnyango, ela orekoghe waghenda. Ngolo yapo ikasia uendadeda. Ngamlola, ela sicheemmbona; ngammbanga, ela ndecheenidika.

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

AMOSI 8:12

Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

WUKUMBUSO 1:45

Niko mcheewuya mkawoka kumlilia BWANA, ela BWANA ndemcheesikira hata kumzighana anduangi.

JAKOBO 4:3

Mwalomba ela ndempatagha, angu mwaawuyalomba kisha, mpate kuvitumia kwa bea renyu.

1 SAMUELI 8:18

Ngelo iyo mchalalamika kwa wundu ghwa mzuri onyu uo moremsaghueghe mmbeni; ela BWANA ndechaamtumbulia ituku ijo.”